धनंजय पोवारने सांगितलं सूरज चव्हाणच्या होणाऱ्या बायकोचं नाव; कोण आहे ‘ती’?

'बिग बॉस मराठी'च्या पाचव्या पर्वातून प्रसिद्धी झोतात आलेला स्पर्धक म्हणजे सूरज चव्हाण. सूरज या पर्वाचा विजेताही झाला होता. सूरज सोशल मीडियावर कायमच सक्रीय असतो. सोशल मीडियावर तो त्याचे अनेक फोटो-व्हिडीओ शेअर करीत असतो. या व्हिडीओला चाहत्यांकडूनही चांगलाच प्रतिसाद मिळतो. अशातच गेल्या काही दिवसांपासून सूरजच्या लग्नाची सर्वत्र चर्चा सुरू आहे. याबद्दल अंकिता वालावलकरने खास पोस्ट शेअर करीत बातमी दिली होती. आता सूरजच्या होणाऱ्या बायकोचं नावदेखील समोर आलं आहे. धनंजय पोवार म्हणजेच सर्वांच्या लाडक्या डीपीदादानं सूरजची होणाऱ्या बायकोचं नाव जाहीर केलं आहे. सूरजनं सोशल मीडियावर एक व्हिडीओ शेअर केला आहे आणि या व्हिडीओवर धनंजय पोवारनं कमेंट करीत सूरजच्या बायकोचं नाव सांगितलं. धनंजय म्हणतो, “मला माहित आहे. मी बघितलं आहे. थांब तुझ्या छकुलीचा फोटो टाकतो. सूरजच्या होणाऱ्या बायकोचं नाव ‘छकुली’ असं आहे.” दरम्यान, सूरजच्या लग्नाबबत अद्याप काही माहिती समोर आलेली नाही. मात्र त्याचे अनेक चाहते या लग्नासाठी उत्सुक आहेत. 'बिग बॉस' मराठीनंतर सूरज मराठी सिनेमामधून प्रेक्षकांच्या भेटीला आला. या सिनेमाचं नाव 'झापुक झुपूक' असं होतं. (फोटो : इन्स्टाग्राम) दिग्दर्शक केदार शिंदे यांनी 'झापुक झुपूक' या सिनेमाचं दिग्दर्शन केलं होतं. या सिनेमातल्या सूरजच्या अभिनयाचं सर्वत्र कौतुक झालं होतं.