Photos: “ठरलंय बरं का” म्हणत रीलस्टार तन्मय पाटेकरने दिली खास खूशखबर, लवकरच होणार शुभविवाह

सोशल मीडियावर लोकप्रिय रीलस्टार तन्मय पाटेकरने आपल्या वैयक्तिक आयुष्यातील मोठा निर्णय शेअर केला आहे. त्याने इन्स्टाग्रामवर एक सुंदर फोटो शेअर करीत ‘ठरलंय बरं का ॥ शुभविवाह लवकरच ॥’ असे लिहून चाहत्यांना आनंदाची बातमी दिली. तन्मयच्या होणाऱ्या पत्नीचे नाव निमिषा असे आहे फोटोमध्ये तन्मयने निळा कुर्ता परिधान केला आहे; तर निमिषा ही पिवळ्या साडीत दिसत आहे. दोघांच्या चेहऱ्यावरचे हसू आणि हातात हात घेऊन चालण्याची स्टाईल नेटिझन्सना भावली आहे. तन्मय आपल्या रील्समधून सकारात्मकता, आत्मविश्वास आणि जीवनातील प्रेरणादायी विचार मांडतो. तो प्रामुख्याने दैनंदिन आयुष्यातील हलके फुलके प्रसंग, जोडप्यांमधील संवाद यांवर मराठमोळा टच असलेल्या रील्स तयार करतो. सध्या त्याच्या या पोस्टने चाहत्यांमध्ये उत्सुकता निर्माण केली असून ‘#Nimay’ हा हॅशटॅग चर्चेत आला आहे. (सर्व फोटो सौजन्य : तन्मय पाटेकर/इन्स्टाग्राम)