Photos : सोनाली कुलकर्णीचा केनियातील रोमँटिक प्रवास; नवऱ्यासोबत हिरव्यागार चहाच्या मळ्यात आनंदाचे क्षण

मराठी चित्रपटसृष्टीतील लोकप्रिय अभिनेत्री सोनाली कुलकर्णी सध्या केनियामध्ये सुट्यांचा आनंद घेत आहे. सोनालीने सोशल मीडियावर तिच्या या Sensory Garden Kenya मधील काही खास छायाचित्रे शेअर केली आहेत. या फोटोंमध्ये ती चहाच्या मळ्यात फिरताना आणि चहा तोडणीचा अनुभव घेताना दिसते. सोनालीने या प्रसंगी हलक्या आणि आरामदायी कपड्यांमध्ये अतिशय मोहक लूक साधला आहे. सोनालीसोबत तिचा पती दिसत असून, त्याने कॅज्युअल शॉर्ट आणि टी-शर्ट असा आरामदायी पेहराव केला आहे. दोघेही हिरवळीने नटलेल्या बागेत चहाचा आस्वाद घेत आणि वेळ घालवत असल्याचे फोटोंतून दिसतेय. या फोटोमधून दोघांची जवळीक आणि प्रवासाची आवड स्पष्टपणे जाणवते. सोनालीने तिच्या पोस्टला Trumpeting around in @sensorygardenkenya अशी कॅप्शन दिली असून, निसर्गात रमलेली अभिनेत्री या फोटोंमधून चाहत्यांच्या मनात पुन्हा एकदा घर करून गेली आहे. (सर्व फोटो सौजन्य : सोनाली कुलकर्णी/इन्स्टाग्राम)