Photos : ढिंचॅक दिवाळी २०२५ साठी हिरव्या नऊवारी साडीत ‘अबोली’चा मॉडर्न अंदाज

‘अबोली’ मालिकेत आपल्या अभिनयानं सर्वांना भुरळ घालणारी अभिनेत्री गौरी कुलकर्णी सध्या तिच्या नव्या पारंपरिक अंदाजामुळे चर्चेत आली आहे. गौरीने अलीकडेच शेअर केलेल्या फोटोमध्ये ती गडद हिरव्या रंगाच्या आकर्षक नऊवारी साडीत दिसत आहे, ज्यामुळे तिचा ग्रेसफुल लूक अधिक उठावदार वाटतो. साडीवरील सूक्ष्म चमकदार डिझाईन आणि त्यावरची काळ्या बॉर्डरची झळाळी, तिच्या पारंपरिक सौंदर्यात भर घालत आहे. या लूकसाठी गौरीने @art_of_beauty_by_manalitandel यांची नऊवारी साडी आणि @upasanafashion यांचा ब्लाऊज परिधान केला आहे. तिचा हेअरस्टाईल साधी आणि सुंदर आहे. सरळ मोकळे केस आणि नितळ मेकअप तिच्या नैसर्गिक सौंदर्याला अधोरेखित करतो. तिच्या या लूकसाठी मेकओव्हरची जबाबदारी @makeover_byshru यांनी घेतली असून, त्यांनी पारंपरिकतेसोबत आधुनिकतेचा उत्तम संगम साधला आहे. हिरव्या रंगाच्या या पोशाखात गौरीचा आत्मविश्वास आणि तिचं व्यक्तिमत्त्व अधिक खुलून आलं आहे. या फोटोशूटमधून गौरीने केवळ तिच्या फॅशन सेन्सचीच झलक दाखवली नाही, तर पारंपरिक साडीतही किती एलिगंट दिसता येऊ शकतं हे दाखवून दिलं. (सर्व फोटो सौजन्य : गौरी कुलकर्णी/इन्स्टाग्राम)