Diwali 2025 : जेनेलिया वहिनींच्या ‘या’ फोटोंची सोशल मीडियावर चर्चा; दागिन्यांनी वेधले लक्ष

बॉलीवूड अभिनेत्री जेनेलिया देशमुखने तिच्या नव्या इन्स्टाग्राम पोस्टमधून पुन्हा एकदा तिच्या एलिगंट स्टाईलने चाहत्यांचे लक्ष वेधून घेतले आहे. 'Nothing comes between purple and me' या कॅप्शनसह शेअर केलेल्या या फोटोत जेनेलिया जांभळ्या रंगाच्या पारंपरिक पेहरावात दिसत आहे. तिचा हा लूक अतिशय राजेशाही आणि मोहक असून, जांभळा रंग तिच्या व्यक्तिमत्त्वाला खास उठाव देत आहे. तिने परिधान केलेला ड्रेस जड जरी आणि सिक्विन कामाने सजलेला आहे, ज्यामुळे तिच्या पोशाखात ग्लॅमर आणि परंपरा दोन्हींचा सुंदर संगम दिसतो. गळ्यातील भरजरी नेकलाइन, सोनसळी एम्ब्रॉयडरी आणि रेशमी कपड्यांचा लूक तिच्या संपूर्ण आऊटफिटला आकर्षक बनवतो. स्ट्रेट ओपन हेअरस्टाईल आणि त्यावरचा गोल्डन फ्लोरल हेअर अॅक्सेसरी तिच्या सौंदर्यात आणखी भर पडते. या फोटोशूटमधील जेनेलियाचा लूक पारंपरिक आणि आधुनिकता यांचा परिपूर्ण मेळ साधणारा आहे तिच्या आत्मविश्वासपूर्ण पोजेसमुळे तिचा ग्लॅमरस अंदाज अधिक खुलतो. जांभळा रंग आणि जेनेलिया या दोघांचं नातं या पोस्टमधून स्पष्ट जाणवतं. ती कॅप्शनमधून सांगते, 'Nothing comes between purple and me' आणि ते पूर्णपणे योग्य वाटतं. (सर्व फोटो सौजन्य : जेनेलिया देशमुख/इन्स्टाग्राम)