‘मन धावतया…’, फेम राधिका भिडे आहे ‘या’ प्रसिद्ध गायिकेची बहीण, रत्नागिरीच्या कन्येची देशभरात चर्चा, पाहा फोटो…

गेल्या काही दिवसांपासून “मन धावतया तुझ्याच मागं, डोलतया तुझ्याचसाठी…” हे गाणं सोशल मीडियावर तुफान व्हायरल होत आहे. हे गाणं आयपॉपस्टार या शोमध्ये मराठमोळ्या राधिका भिडेने गायलं आहे. राधिका भिडे ही मूळची रत्नागिरीची असून गेल्या दोन वर्षांपासून ती मुंबईत राहते. राधिका संगीत दिग्दर्शक, निर्माती, गीतकार आणि डबिंग आर्टिस्ट म्हणून ओळखली जाते. लहान वयातच तिने संगीत क्षेत्रात मोठं यश मिळवलं आहे. राधिकाने “मन धावतया तुझ्याच मागं…” हे तिचं गाणं सादर करताच परीक्षकांचे डोळे सुद्धा पाणावले होते. राधिकाच्या सुमधूर आवाजाने प्रत्येकाचं लक्ष वेधून घेतलं. तुम्हाला माहितीये का? राधिका ही शमिका भिडेची धाकटी बहीण आहे. शमिका भिडे ‘सारेगमप लिटिल चॅम्प्स’ या शोमुळे नावारुपाला आली होती. राधिका-शमिकाने अनेक कार्यक्रमांमध्ये एकत्र परफॉर्म सुद्धा केलं आहे. शमिकाने सुद्धा लाडक्या बहिणीचं कौतुक करत खास इन्स्टाग्राम स्टोरी शेअर केली आहे. दरम्यान, आयपॉपस्टार हा शो MX प्लेयरवर प्रसारित केला जातो. सध्या मराठी कलाकार सुद्धा राधिकाचं भरभरून कौतुक करत आहेत. या शोची संकल्पना अन्य शोजपेक्षा बरीच वेगळी आहे. यामध्ये सहभागी झालेल्या स्पर्धकांना स्वत: लिहिलेली आणि कंपोझ केलेली गाणी सादर करावी लागतात. ( सर्व फोटो सौजन्य : राधिका भिडे व शमिका भिडे इन्स्टाग्राम )