Photos: ‘अप्पी आमची कलेक्टर’ फेम शिवानी नाईकच्या साखरपुड्यातील खास क्षण

झी मराठीच्या 'अप्पी आमची कलेक्टर' (Appi Amchi Collector) या मालिकेतून अभिनेत्री शिवानी नाईक (Shivani Naik) प्रसिद्धीझोतात आली. रविवारी, २६ ऑक्टोबर रोजी शिवानीचा साखरपुडा समारंभ (Engagement) पार पडला. तिच्या नवऱ्याचे नाव अमित रेखी (Amit Rekhi) असे आहे. शिवानी प्रमाणे अमित ही उत्तम अभिनेता आहे. त्याने 'भाग्य दिले तू मला', 'आई आणि बाबा रिटायर होत आहेत', 'पिंगा गं पोरी पिंगा' या मालिकांमध्ये काम केले आहे. साखरपुड्यासाठी शिवानीने निळ्या रंगाची सुंदर साडी नेसली होती. अमितने साखरपुडा समारंभासाठी पांढऱ्या रंगाचा कुर्ता पायजमा आणि डिझायनर जॅकेट परिधान केले होता. अमितने या फोटोंना 'आणि आमचा साखरपुडा झाला.. हे शुभकार्य सिद्धीस नेण्यासाठी अनेक लोकं आमच्या सोबत उभे राहिले त्यांचे मनःपूर्वक आभार' असे कॅप्शन दिले आहे. शिवानी व अमितच्या चाहत्यांनी साखरपुड्याच्या फोटोंवर शुभेच्छांचा वर्षाव केला आहे. (सर्व फोटो सौजन्य : शिवानी नाईक/इन्स्टाग्राम) (हेही पाहा : दीपा चौधरीचा बहिणींबरोबर जयपूरमध्ये सफरनामा; फोटो शेअर करत म्हणाली...)