Photos : क्रिती सेनॉनची धमाकेदार दिवाळी पार्टी; पण चर्चा मात्र मराठमोळ्या सई ताम्हणकरचीच! पाहा फोटो

मराठी, बॉलिवूडमधील प्रसिद्ध अभिनेत्री म्हणेज सई ताम्हणकर, आपल्या अभिनयाने आणि लूकमुळे ती कायमच चर्चेत असते. सई ताम्हणकर नुकतीच बॉलिवूड अभिनेत्री क्रिती सॅनॉनच्या दिवाळी पार्टीत दिसली होती. बॉलिवूडमध्ये दिवाळी पार्टीची कायमच चर्चा असते. या पार्टीला सईने काळ्या रंगाचा ड्रेस परिधान केला होता. सईने या पार्टीचे फोटो सोशल मीडियावर शेअर केले आहेत. तिच्या चाहत्यांनी कॉमेंट्सचा वर्षाव केला आहे. सईने क्रितीबरोबरचा एक फोटो शेअर केला आहे. ज्यात दोघींनी एकमेकांना मिठी मारली आहे. सई क्रितीने 'मिमी' या चित्रपटात एकत्र काम केले होते. या चित्रपटात त्यांच्यबरोबरीने पंकज त्रिपाठीदेखील होते. 'मिमी’ या चित्रपटात सईने केलेल्या कामाचे सर्वत्र कौतुक झाले. तिची ही भूमिका प्रचंड गाजली. ‘मिमी’च्या यशानंतर सई पुन्हा एकदा बॉलिवूडमध्ये दिसणार आहे. ‘ग्राउंड झिरो’ या चित्रपटात ती महत्वपूर्ण भूमिका साकारताना दिसणार आहे. 'मिमी' चित्रपटातील भूमिकेसाठी तिला आयफा, फिल्फेअरसारखे पुरस्कार मिळाले आहेत. सई सोशल मीडियावर कायम सक्रिय असते. ती आपले फोटो शेअर करत असते. दिग्दर्शक राहुल ढोलकिया यांच्या 'अग्नी' या आगामी चित्रपटात सई आपल्याला दिसणार आहे. सईने मराठी मालिका, चित्रपट यामधून आपल्या कारकिर्दीला सुरवात केली आहे.