Photos: ‘लालबागचा राजा’ची पहिली झलक, छत्रपती शिवाजी महाराजांच्या राज्याभिषेक सोहळ्याच्या देखाव्याने वेधलं लक्ष

Lalbaugcha Raja 2023 First Look : गणेशोत्सवासाठी अवघे काही दिवस शिल्लक राहिले आहेत. अवघ्या तीन दिवसांनी प्रत्येक घराघरात लाडक्या गणरायाचे आगमन होणार आहे. सध्या अनेक ठिकाणी गणपतीच्या आगमनापूर्वीची लगबग पाहायला मिळत आहे. अवघ्या मुंबईकरांचे श्रद्धास्थान असणाऱ्या ‘लालबागचा राजा’ची पहिली झलक समोर आली आहे. लालबागचा राजाचे यंदा हे ९० वे वर्ष आहे. यंदा ‘लालबागचा राजा’साठी छत्रपती शिवाजी महाराजांच्या राज्याभिषेक सोहळ्याचा देखावा साकारण्यात आला आहे. मुंबईतील लालबागच्या राजाच्या ओळख नवसाला पावणारा गणपती अशी आहे. यामुळेच मुंबई आणि मुंबईच्या बाहेरुन देखील लालबागच्या राजाचे दर्शन घेण्यासाठी लोक येत असतात. राजाच्या दर्शनासाठी दरवर्षी लाखो भाविक गर्दी करताना दिसतात. 'लालबागच्या राजा'च्या मंडळाची स्थापना सन १९३४ मध्ये करण्यात आली होती. (सर्व फोटो - लालबाग राजा/युट्यूब)