पुण्यात दगडूशेठ गणपतीच्या दर्शनासाठी भक्तांचा महापूर! गर्दी पाहून अंगावर येईल शहारा, पाहा फोटो

गणेशोत्सवादरम्यान मुंबई पुण्यात उत्साहाचे वातावरण असते. पुण्यात मानाच्या गणपतींसह लाडक्या बाप्पा म्हणजे दगडूशेठ गणपतीचे दर्शन घ्यायला विसरत नाही. दरवर्षी मोठ्या संख्येने भाविक बाप्पाच्या दर्शनासाठी येतात. यंदा दगडूशेठ गणपतीच्या दर्शनासाठी मोठ्या संख्येने भक्तांची गर्दी झाल्याचे फोटो समोर आले आहेत. दगडूशेठ हलवाई ट्रस्टचे यंदा १३२ वर्ष असून त्यांनी जटोली येथील शिव मंदिराचा देखावा साकारला आहे जो पाहण्यासाठी गणेशोत्सव सुरु झाल्यापासून भाविकांनी गर्दी केली होती. दगडूशेठ गणपतीच्या जटोली शिवमंदीराचा देखावा पाहण्यासाठी शेवटचा रविवार असल्याने शिवाजी रोडवर नागरिकांनी तुफान गर्दी केली होती. नवसाला पावणाऱ्या बाप्पाच्या दर्शनासाठी अक्षरश: भक्तांचा महापूर आल्याचे चित्र पाहायला मिळाले. एवढी गर्दी असूनही कुठेही धक्का-बुक्की झाली नाही. शिस्तीमध्ये रांगेत लोक उभे असल्याचे दिसते. लाडक्या बाप्पाच्या दर्शनसाठी भक्तांचा महापूर आला आहे. पुणेकरांसह आसपासच्या गाव-शहारातून येणाऱ्या दगडूशेठ गणपतीच्या दर्शनासाठी येणाऱ्यांची संख्या वाढली आहे असे दिसते. भाविकांची गर्दी हाताळण्याचे काम पुणेे पोलिसांसह, पोलिस मित्र आणि गणेश मंडळाचे कार्यकर्ते रात्र-दिवस करत होते. (सर्व फोटो सौजन्य - एक्स्प्रेस फोटो, प्रणव खेंगरे)