Photos : अनघा अतुल भगरेच्या घरी गणेशोत्सवाचा जल्लोष; सजावट व पारंपरिक लूकची जोरदार चर्चा

मराठी अभिनेत्री अनघा अतुल भगरेच्या घरी गणपती बाप्पाचे आगमन झाले असून, घरभर आनंदाचे वातावरण पसरले आहे. फुलांनी सजवलेला गणेशमंडप, रंगीबेरंगी हार व दिव्यांच्या प्रकाशाने गणेश आरास अधिक आकर्षक दिसते. गणरायाच्या मूर्तीला पारंपरिक दागदागिने, ताज्या फुलांचे हार आणि लाल-गुलाबी फुलांनी सजवले आहे. बाप्पांसमोर नैवेद्य, फळे, सुका मेवा आणि पूजेची थाळी ठेवून पूजा-अर्चा करण्यात आली. अनघाने या प्रसंगी निळ्या रंगाची रेशमी साडी परिधान केली असून, तिचा पारंपरिक लूक चाहत्यांना भावतोय. केसांमध्ये गजरा, चेहऱ्यावर हसरा भाव आणि खास नथ या सर्वांमुळे तिचे सौंदर्य आणखीनच खुलून दिसतेय. तिच्या घरातील महिलाही पारंपरिक पेहरावात सहभागी होताना दिसल्या आणि वातावरण अधिक मंगलमय झाले. 'बाप्पा आले', अशी भावनिक कॅप्शन देत अनघाने हा आनंदाचा क्षण सोशल मीडियावर शेअर केला आहे. (सर्व फोटो सौजन्य: अनघा अतुल भगरे/ इंस्टाग्राम)