केवळ टाइमपास नाही तर आरोग्यवर्धकही… जाणून घ्या पावसाळ्यात मक्याची कणसं खाण्याचे फायदे

1/11

पावसाळा सुरु झाला की बाजारात मक्याच्या कणसांची संख्या नेहमीपेक्षा जरा जास्तच दिसू लागते. हिरवट-पिवळस सालं असलेली मक्याची कणसं अनेकांची लक्ष वेधून घेतात. पावसाळ्यात तर पर्यटनस्थळी मक्याची कणसं विकाणारे हमखास सापडतात.

2/11

धो-धो कोसळणाऱ्या पावसात लिंबू-मीठ लावून भाजलेली कणसं खाणं हा अनेकांच्या आवडतीचा कार्यक्रम असतो. त्यामुळे खासकरुन पावसाळ्यात मक्याच्या कणसांना जास्त मागणी असते.

3/11

परंतु, सध्याच्या काळात बाराही महिने ही कणसं सहज उपलब्ध होत असतात. त्यामुळे अनेक गृहिणी त्यापासून विविध पदार्थ करताना दिसतात.

4/11

विशेष म्हणजे पावसाळ्यामध्ये ही कणसं खाण्याचे काही फायदे आहेत. त्यामुळे चला तर मग आज जाणून घेऊयात मक्याचे कणीस खाण्याचे काही फायदे.

5/11

१. मक्याचं कणीस खाल्ल्यामुळे दात मजबूत होण्यास मदत होते. त्यामुळे लहान मुलांसाठी आणि खासकरुन वृद्धांसाठी मक्याचं कणीस फायदेशीर आहे. विशेष म्हणजे आजकाल बाजारात या कणिसांचे दाणे सोलूनदेखील मिळतात.

6/11

२. मक्यामध्ये पित्त आणि वात कमी करण्याचे गुणधर्म असल्याचं म्हटलं जातं. त्यामुळे उकळत्या पाण्यात हळद आणि मीठ घालून मक्याचे दाणे उकडून खाल्ल्यास त्याचाही शरीराला फायदा होतो.

7/11

३. मका हे एक धान्य असून त्याकडे अँटी-ऑक्सीडेंट म्हणूनही पाहिलं जातं. त्यामुळे त्याच्या सेवनाने जवळपास शरीरातील अँटी-ऑक्सीडेंट्सचे प्रमाण ५० टक्क्यांनी वाढते.

8/11

४. मक्याच्या सेवनामुळे वाढत्या वयाच्या खूणा कमी होतात.

9/11

५. मक्यात असलेल्या फॉलिक अॅसिडमुळे कर्करोगाचा धोका कमी असतो.

10/11

६. मक्यामुळे शरीरातील कोलेस्ट्रॉलची मात्रा नियंत्रणात राहते.

11/11

७. मक्याच्या पिठापासून तयार केलेली पोळीदेखील शरीरासाठी फायदेशीर आहे.