Diwali 2022: दिवाळीचे अभ्यंगस्नान, लक्ष्मीपूजन ते भाऊबीज सर्व मुख्य तिथी, शुभ मुहूर्त व महत्त्व जाणून घ्या

Diwali 2022 Calendar: लंकापती रावणाचा वध करून आणि १४ वर्षांचा वनवास घालवून भगवान श्रीराम अयोध्येत परतले. त्यांच्या आगमनाच्या आनंदात अयोध्यावासीयांनी तुपाचे दिवे लावून संपूर्ण अयोध्या उजळून टाकली. दसऱ्यानंतर पूर्ण २१ दिवसांनी दिवाळी सणाला आरंभ होतो. दरवर्षी कार्तिक महिन्यात दिवाळी हा सण साजरा केला जातो. हा पाच दिवस चालणारा उत्सव धनत्रयोदशीपासून सुरू होतो. यंदाच्या दिवाळी सणातील प्रमुख सणांच्या तारखा, शुभ मुहूर्त व तिथी जाणून घेऊयात.. धनत्रयोदशी: धन्वंतरीच्या पूजनाचा दिवस म्हणजे धनत्रयोदशी. यासोबतच आपल्याकडे धनाचे पूजनही या दिवशी केले जाते. यंदा २२ ऑक्टोबरला धनत्रयोदशी साजरी होणार आहे. धनत्रयोदशी शुभ मुहूर्त: रविवार, २२ ऑक्टोबर २०२२ संध्याकाळी ५:४४ ते ६:०५ पर्यंत नरक चतुर्दशी: सुगंधी उटण्याने करायचे दिवाळीचे अभ्यंगस्नान यंदा २४ ऑक्टोबरला असणार आहे. नरक चतुर्दशीला भगवान श्रीकृष्णाने नरकासुरचा वध करून १६ हजार कन्यांना मुक्त केले होते अशी आख्यायिका आहे. लक्ष्मी पूजनही सोमवारी २४ ऑक्टोबरला असणार आहे. या दिवशी माता लक्ष्मीसह श्रीगणेशाचे पूजन केले जाते. लक्ष्मी पूजन मुहूर्त - २४ ऑक्टोबर संध्याकाळी ०६: ५३ ते ०८: १६ पर्यंत यंदा नरक चतुर्दशी व लक्ष्मी पूजन तिथीनुसार एकाच दिवशी साजरे होणार आहे. २५ ऑक्टोबरला अमावस्या असल्याने या दिवशी दिवाळीतील कोणताच शुभ दिवस नसणार आहे. २६ ऑक्टोबरला भाऊबीज व बलिप्रतिपदा म्हणजेच पाडवा हे दोन सण एकत्र साजरे केले जाणार आहे. भाऊबीज शुभ मुहूर्त - २६ ऑक्टोबर दुपारी १ वाजून १८ मिनिट ते दुपारी ३ वाजून ३३ मिनिट पर्यंत तुम्हाला सर्वांना येत्या दिवाळीच्या खूप खूप शुभेच्छा! (सर्व फोटो: सोशल मीडिया)