Yoga For Back Pain: पाठीत सारखी चमक भरते? बसल्या जागी करा ही ५ सोप्पी योगासने

किचन किंवा ऑफिसमध्ये कधी काहीतरी उचलण्यासाठी वाकावे आणि पटकन पाठीत चमक भरते, तुम्हीही हा प्रकार अनुभवला असेलच ना? पाठीच्या वेदना कधीकधी इतक्या असहनीय होतात की क्षणभर जीव घाबरून जातो. मात्र चिंतेचे कारण नाही. आज आपण काही सोप्पे योगा प्रकार पाहणार आहोत ज्यामुळे काही मिनिटातच तुम्हाला आराम जाणवेल. 1) त्रिकोणासन (शरीराची त्रिकोणी अवस्था) या आसनामुळे दंडाचे स्न्यायु, पायाचे स्नायू आणि ओटीपोटाचे स्नायू कार्यक्षम होतात. 2) मार्जारी आसन मांजरीप्रमाणे चार पायांवर गुडघ्याच्या व हाताच्या सहाय्याने उभे राहा. श्वास आत घेताना हनुवटी वर उचलावी आणि डोके मागच्या दिशेला न्यावे. यानंतर मान खाली व पाठीचा पुढील भाग वर उचलावा 3) भुजंगासन हे आसन फणा काढलेल्या नागासारखे भासते, म्हणूनच याला भुजंगासन असे म्हणतात भुजंगासन करताना पालथे झोपून कंबरेपासून छातीचा भाग व मान वर उचलावी. सरावाने तुम्ही यात तरबेज व्हाल सुरुवातीला ताण घेऊ नका. 4) कटीचक्रासन कटीचक्रासन म्हणजे कंबरेतून शरीर फिरवणे होय. तुम्ही उभे राहून व बसून दोन्ही पद्धतीने हे आसन करू शकता. 5) भूनमनासन हे आसन नियमित केल्यास कंबर दुखीपासून सुटका होऊ शकते. आसन करताना दोन्ही हात कंबरेभोवती ठेवावेत. सुरुवातीला आपल्याला जमत नाही असे वाटत असेल तर दोन्ही हातांपैकी एक हात कंबरेभोवती लपेटून दुसऱ्या हाताचा आधार घेता येतो. (सर्व फोटो: प्रातिनिधिक/ सोशल मीडिया)