Photos : हिवाळ्यात निरोगी राहण्यासाठी मदत करतात ‘या’ पालेभाज्या; लगेच करा रोजच्या आहारात समावेश

हिवाळ्यात पडणारे धुके, वातावरणात होणारे बदल, प्रदूषण या कारणांमुळे तब्येतीची विशेष काळजी घेणे गरजेचे असते. वातावरणातील या बदलामुळे दमा किंवा श्वासाशी निगडित आजार असणाऱ्यांना अधिक काळजी घेण्याची गरज असते, इतकेच नाही तर अशा समस्या नसणाऱ्यांना देखील नव्याने काही समस्या उद्भवण्याची शक्यता असते. अशावेळी काही पालेभाज्यांचा रोजच्या आहारात समावेश केल्यास ते हिवाळ्यात होणाऱ्या आजारांपासून वाचण्यासाठी मदत करू शकतात, कोणते आहेत त्या भाज्या जाणून घ्या. पालक : पालकमध्ये भरपूर प्रमाणात फायबर आणि अँटी ऑक्सिडंट्स आढळतात. तसेच पालक आयरनचे ही उत्तम स्रोत मानले जाते, त्यामुळे आयरनची कमतरता असणाऱ्या व्यक्तींना पालक खाण्याचा सल्ला दिला जातो. यासह आरोग्यासाठी फायदेशीर असणारे कॅल्शियम, विटॅमिन ए, विटॅमिन के यांसारखे मिनरल्स, विटामिन्स आढळतात. बद्धकोष्टतेच्या समस्येवरही पालक फायदेशीर मानले जाते. चाकवत : चाकवताची भाजी चविष्ट आणि अत्यंत पौष्टिक असते. या भाजीमध्ये मॅग्नेशियम, कॅल्शियम, आयरन यांसह ८ प्रकारचे विटामिन आढळतात. त्यामुळे चाकवताची भाजी आरोग्यासाठी अत्यंत फायदेशीर मानली जाते. गाजर : हिवाळ्यात सगळीकडे गाजर मोठया प्रमाणात उपलब्ध होतात. गाजरामध्ये विटामिन ए, पोटॅशियम, आयरन असे पोषकतत्त्व आढळतात. त्यामुळे यांचा रोजच्या डाएटमध्ये समावेश करणे आरोग्यासाठी फायदेशीर ठरेल. तसेच डोळ्यांच्या आरोग्यासाठीही गाजर फायदेशीर मानले जाते. यामध्ये बीटा कॅरोटीन आढळते, जे डोळ्यांच्या रेटीनासाठी फायदेशीर ठरते तसेच त्यामुळे सुर्यप्रकाशापासून संरक्षण मिळते. बीट : बीटामध्ये अनेक पोषकतत्त्व आढळतात, तसेच हे वजन कमी करण्यासाठीही फायदेशीर मानले जाते. यामध्ये सोडियम, पोटॅशियम, फायबर यांसारखे शरीराला आवश्यक असणारे पोषकतत्त्व आढळतात. (येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.) (फोटो सौजन्य : Freepik)