गळणाऱ्या केसांची चिंता सतावतेय? मग ‘या’ सोप्या टिप्स नक्की फॉलो करा

केसगळतीमुळे ग्रासलेल्यांची अनेक उदाहरणं आपण आपल्या आजूबाजूला पाहत असतो. केसगळती मागे अनेक कारणं असू शकतात. पण काही सोप्या गोष्टींचा अवलंब केला असता ही समस्या दूर होऊ शकते. आवळा हा व्हिटॅमिन सीचा महत्वाचा स्रोत असून त्यामुळे केसांची मुळं घट्ट होतात आणि केसगळती कमी होऊ शकते. तसेच आवळ्याने त्वचेलाही अनेक फायदे होतात. मेथीचे दाणे अनेक आजारांवर उपयुक्त ठरतात. मेथीच्या दाण्यातील निकॉटेनिक अॅसिडमुळे केसगळती तसेच कोंडा कमी होऊ शकतो. कडीपत्यातील अँटी-बॅक्टरीअल आणि अँटी-मायक्रोबायल घटक एकूणच आरोग्यासाठी फायदेशीर असतात. कडीपत्यातील व्हिटॅमिन सी, बी हे घटक तसेच अँटिऑक्सिडंट्स केसांच्या वाढीसाठी अत्यंत उपयुक्त ठरू शकतात. प्रथिने, व्हिटॅमिन्स आणि अँटिऑक्सिडंट्सयुक्त भृंगराज केसांच्या वाढीसाठी फायदेशीर ठरू शकतो. अल्पवयात केस पिकणे आणि केसगळती या समस्यांवर भृंगराज तेल खूप उपयुक्त ठरतं. कोरफडीच्या गरात व्हिटॅमिन ए, सी, आणि बी असून त्वचा आणि केसांसाठी अत्यंत फायदेशीर आहे. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Freepik)