ट्रेनने प्रवास करताय? चुकूनही ‘या’ डब्यात चढू नका, नाहीतर भोगावा लागेल तुरुंगवास, ‘हा’ नियम वाचाच!

रेल्वेला भारताची लाईफलाईन (Indian Railways) म्हटले जाते. दररोज कोट्यवधी लोक रेल्वेने प्रवास करतात. भारतीय रेल्वेने प्रवास करताना आपल्याला अनेक गोष्टींची माहिती नसते. यात काही रेल्वेचे नियम देखील आपल्याला माहित नसतात. तुम्ही रेल्वे प्रवास करत असाल तर तुम्हाला रेल्वेचा हा नियम माहीत असणं गरजेचं आहे. एवढे मोठे नेटवर्क सुरळीत चालण्यासाठी रेल्वेने काही नियम केले आहेत. जसे तुम्ही ज्या डब्याचे तिकीट घेतले आहे त्याच डब्यातून प्रवास करावा. पण तुम्हाला माहित आहे का की, ट्रेनमध्ये असा एक डब्बा असतो, ज्यामध्ये चुकूनही तुम्ही चढलात तर तुम्हाला तुरुंगवासही होऊ शकतो. रेल्वेचा हा नियम फार कमी लोकांना माहिती आहे. चला तर मग आज आपण जाणून घेऊया रेल्वेच्या कोणत्या डब्यात चढल्यास तुरुंगवास किंवा तुम्हाला दंडही होऊ शकतो... ट्रेनचा प्रवास खूप आरामदायी असतो हे सर्वांनाच माहीत आहे. ट्रेनमध्ये जनरल, स्लीपर आणि एसी श्रेणीचे डबे दिसतात. याशिवाय रेल्वेमध्ये एक डबा असाही आहे, ज्यामध्ये प्रवास करणे कोणालाही महागात पडू शकते. खरं तर, आम्ही पॅन्ट्री कारबद्दल बोलत आहोत. रेल्वेच्या पॅन्ट्री कार डब्यातून कोणी प्रवास करताना आढळल्यास त्याला तुरुंगवास आणि दंडही होऊ शकतो. रेल्वेच्या नियमानुसार कोणताही प्रवासी रेल्वेच्या पॅन्ट्री कारमध्ये प्रवास करू शकत नाही. कोणी प्रवासी असे करताना आढळल्यास त्याच्यावर कडक कारवाई केली जाते. तथापि, गरम दूध किंवा पाणी इत्यादीसारख्या विशेष ऑर्डरसाठी, तुम्ही पॅन्ट्री कारमध्ये जाऊ शकता. पण त्यात प्रवास करण्याची अजिबात परवानगी नाही. (फोटो सौजन्य:संग्रहित छायाचित्र)