तुमच्या वयानुसार ‘इतके’ असावे रक्तातील साखरेचे प्रमाण; धोक्याची पातळी गाठण्याआधीच लक्ष द्या

मधुमेह हा असा आजार आहे जो झाल्याचे रुग्णाला समजतही नाही. हा आजार होण्यामागे बदलती जीवनशैली, अयोग्य आहार आणि वाढलेला ताण इत्यादी गोष्टी कारणीभूत ठरतात. मधुमेह हा एका रात्रीत होणारा आजार नाही. आपल्या चुकीच्या सवयींमुळे हा आजार जास्त बाळवतो. मधुमेहाचा आजार इतक्या झपाट्याने पसरत आहे की आजकाल लहान मुलेही या आजाराला बळी पडत आहेत. मधुमेहाचा आजार होण्यापूर्वी प्रीडायबेटिजची स्थिती येते. आपला आहार आणि जीवनशैलीत एकाच वेळी चांगले बदल केले तर तर आपण रक्तातील वाढणारी साखर सहन नियंत्रणात आणू शकतो. गरजेपेक्षा जास्त तहान, जास्त भूक, कोरडे तोंड, जखम भरण्यास वेळ लागणे आणि वारंवार लघवीला होणे ही मधुमेहाची लक्षणे आहेत. ही सर्व लक्षणे प्री-डायबेटिज आणि रक्तातील साखरेचे प्रमाण कमालीचे वाढल्यासही दिसून येतात. म्हणूनच प्रत्येक वयोगटातील व्यक्तीने ही लक्षणे ओळखणे आणि रक्तातील साखरेचे प्रमाण तपासत राहणे आवश्यक आहे. निरोगी व्यक्तीच्या रक्तातील साखरेची सामान्य पातळी 90 ते 100 mg/dL दरम्यान असते. जर एखाद्याने निरोगी आहार आणि जीवनशैलीचे पालन केले तर साखरेची सामान्य पातळी राखणे सहज शक्य आहे. जर साखरेच्या पातळीवर नियंत्रण ठेवले नाही तर हृदयविकार, किडनी, फुफ्फुस आणि डोळे यांचे नुकसान होऊ शकते. रक्तातील साखरेचे प्रमाण जास्त किंवा कमी होणे हे आरोग्य बिघडल्याचे लक्षण आहे. प्रत्येक व्यक्तीने त्यांच्या वयानुसार रक्तातील साखरेचे व्यवस्थापन केले पाहिजे. आज आपण जाणून घेऊया वयानुसार रक्तातील साखरेची पातळी किती असावी. ६ ते १२ या वयोगटात रिकाम्या पोटी साखरेचे प्रमाण ८० ते १८० mg/dl तर रात्रीच्या जेवणानंतर साखरेचे प्रमाण १०० ते १८० mg/dl असायला हवे. १३ ते १९ या वयोगटात रिकाम्या पोटी साखरेचे प्रमाण ७० ते १५० mg/dl तर रात्रीच्या जेवणानंतर साखरेचे प्रमाण ९० ते १५० mg/dl असायला हवे. २० ते २६ या वयोगटात रिकाम्या पोटी साखरेचे प्रमाण १०० ते १८० mg/dl तर रात्रीच्या जेवणानंतर साखरेचे प्रमाण १०० ते १४० mg/dl असायला हवे. २७ ते ३२ या वयोगटात रिकाम्या पोटी साखरेचे प्रमाण १०० mg/dl तर रात्रीच्या जेवणानंतर साखरेचे प्रमाण १०० ते १४० mg/dl असायला हवे. ३३ ते ४० या वयोगटात रिकाम्या पोटी साखरेचे प्रमाण १४० mg/dl तर रात्रीच्या जेवणानंतर साखरेचे प्रमाण ९० ते १५० mg/dl असायला हवे. ५० ते ६० या वयोगटात रिकाम्या पोटी साखरेचे प्रमाण तर रात्रीच्या जेवणानंतर साखरेचे प्रमाण १४० ते १५० mg/dl असायला हवे. येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्यावा. (Photos: Freepik)