Photos: जेवणाच्या आधी ‘या’ गोष्टींची काळजी घेतली तर.. पोट मानेल आभार

आरोग्य हीच खरी माणसाची संपत्ती आहे. त्यामुळे आपलं आरोग्य व्यवस्थित राखणं हे आपल्या हातात आहे. आपल्या आहारात पोषक पदार्थांचा समावेश करा. जेवणाच्या अर्धा तास आधी एक चमचा किसलेले आले आणि काळे मीठ खा. लहान मुलांचे जेवण साधे पण चौरस हवे. सर्व दूधयुक्त पदार्थांमध्ये वेलची पूड आणि जायफळ पूड अवश्य घाला. रोज जेवताना सुंठयुक्त गरम पाणी प्या. जेवताना थंड पाणी आणि थंड पेये अगदीच टाळा. जेवणातील पिष्टमय पदार्थ (म्हणजे पोळी, भाकरी, भात इ.) भरपूर चावून खा. अन्नाचा घास चावून खाल्ल्याने त्यात लाळ मिसळून त्यामुळे पिष्टमय पदार्थांचे पचन होण्यास मदत होईल. काळे मिरे, दालचिनी आणि तमालपत्र समप्रमाणात घेऊन त्याची पूड करावी. ही पाव चमचा पूड जेवणानंतर घ्यावी. जरूर वाटल्यास पुन्हा १-२ तासांनी घ्यावी. दुपारच्या किंवा रात्रीच्या जेवणानंतर लगेच अंघोळ करु नका. दिवसभरात सतत काही ना काही खाणे टाळा. घरी शिजविलेल्या अन्नाचे सेवन करा. साखरेचे प्रमाण अधिक असलेली पेय टाळा. ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. त्यातील मतांशी ‘लोकसत्ता ऑनलाइन’चा संबंध नाही. त्यामुळे कोणताही वैद्यकीय उपचार करण्यापूर्वी आरोग्यतज्ज्ञांशी व डॉक्टरांशी सल्लामसलत करणे आवश्यक आहे. (सर्व फोटो सौजन्य : Pexels)