Photo : बदाम खा अन् पोटाची चरबी कमी करा; जाणून घ्या आणखी फायदे

बदाम शरीर तंदुरुस्त ठेवण्याबरोबरच ते निरोगी ठेवण्यासही मदत करतात. भूक भागवण्यासाठी बदाम फायदेशीर आहे. वजन कमी करायचे असेल तर बदामाची पावडर रोज दुधात मिसळून पिऊ शकता. बदामामध्ये जास्त प्रमाणात फायबर आणि खूप कमी कॅलरीज असतात, त्यामुळे ते पोटाची चरबी कमी करण्यासाठी खूप प्रभावी आहे. बदाम हे अँटी-ऑक्सिडंट्सचे चांगले स्त्रोत आहेत जे मुक्त रॅडिकल्सशी लढण्यास आणि चयापचय सुधारण्यास मदत करतात. बदाम अँटी-ऑक्सिडंट्स तणावापासून बचाव करण्यासाठी उपयुक्त आहेत. बदामामध्ये व्हिटॅमिन ई मोठ्या प्रमाणात असते. व्हिटॅमिन ईच्या सेवनाने हृदयरोग, कर्करोग आणि अल्झायमरचा धोका कमी होण्यास मदत होते. बदाम नियमित खाल्ल्याने रक्तातील खराब कोलेस्ट्रॉल कमी होते. ज्यामुळे हृदयविकाराचा धोका कमी होतो. बदामामध्ये असलेले मॅग्नेशियम रक्तातील साखरेची पातळी नियंत्रित करू शकते, तसेच बदामात हेल्दी फॅट, प्रोटीन आणि फायबरचे प्रमाण चांगले असल्याने ते मधुमेहाच्या रुग्णांसाठीही फायदेशीर आहे.