Know who are new ministers in rajasthan Cabinet expansion of CM Ashok Gehlot see photos | Photos : राजस्थानमध्ये मंत्रिमंडळ विस्तार, ११ कॅबिनेट आणि ४ नव्या राज्यमंत्र्यांनी घेतली शपथ, पाहा फोटो...

राजस्थानमध्ये अखेर मुख्यमंत्री अशोक गेहलोत यांच्या मंत्रिमंडळाचा विस्तार झाला.यात तब्बल १५ मंत्र्यांचा समावेश करण्यात आलाय. यात ११ कॅबिनेट आणि ४ नव्या राज्यमंत्र्यांचा समावेश आहे.शुक्रवारी (१९ नोव्हेंबर) माजी शिक्षणमंत्री गोविंद सिंग दोतासरा यांनी मंत्रिपदाचा राजीनामा दिला.मुख्यमंत्री गेहलोत यांनी शनिवारी राज्यपाल कलराज मिश्रा यांची भेट घेऊन मंत्र्यांचे राजीनामे सुपूर्द केले. राजस्थान मंत्रिमंडळाच्या बैठकीनंतर राजीनाम्याची घोषणा करण्यात आली. शनिवारी सायंकाळी ७ वाजता मुख्यमंत्र्यांच्या शासकीय निवासस्थानी ही बैठक बोलावण्यात आली होती.सर्व नवीन मंत्र्यांना रविवारी दुपारी २ वाजता काँग्रेस मुख्यालयात पोहोचण्यास सांगण्यात आले होते.हेमाराम चौधरी, महेंद्रजित सिंग मालवीय, रामलाल जाट, महेश जोशी, विश्वेंद्र सिंह, रमेश मीना, ममता भूपेश बैरवा, भजनलाल जाटव, टिकाराम जुली, गोविंदराम मेघवाल, शकुंतला रावत यांनी कॅबिनेट मंत्रीपदाची शपथ घेतली.जाहिदा, बृजेंद्र सिंह ओला, राजेंद्र गुढा, मुरारीलाल मीणा यांनी राज्यमंत्रीपदाची शपथ घेतली. पहिल्यांदाच राजस्थानमध्ये मंत्रिमंडळात ४ दलित मंत्री झालेत. याशिवाय अनुसूचित जमातीच्या ३ मंत्र्यांचाही मंत्रिमंडळात समावेश झालाय.मंत्रिमंडळात सचिन पायलट यांच्या गटातील ५ जणांना स्थान देण्यात आले. यामध्ये हेमाराम चौधरी, विश्वेंद्र सिंह, रमेश मीणा यांचा समावेश आहे.याआधी पायलट गटातील ३ जण मंत्रिमंडळात होते.मुरारी लाल मीणा आणि ब्रिजेंद्र सिंग ओला यांना राज्यमंत्री करण्यात आले. पायलट यांच्याऐवजी गुज्जर समाजातून आलेल्या रावत यांना संधी देण्यात आली.