Photos: ‘…रख नीचे फोन’ म्हणत नितीन गडकरींनी कट केलेला अमिताभ बच्चन यांचा फोन

भाजपाचे नेते आणि केंद्रीय रस्ते वाहतूक मंत्री नितीन गडकरी यांचा आज ६५ वा वाढदिवस. आपल्या कामाबरोबरच मनमिळवू स्वभावामुळे सर्वपक्षीय मित्रपरीवार असणाऱ्या नितीन गडकरींची भाषणं ही विषेश गाजतात. सध्या केंद्रात मंत्री असलेल्या नितीन गडकरी यांनी महाराष्ट्रातही युती सरकारच्या काळात मंत्रीपद भूषवलेलं आहे. राजकीय आरोप प्रत्यारोपांपेक्षा किस्से आणि मजेदार गंमतीजमती सांगत गडकरी अनेक कार्यक्रमांमध्ये लक्ष वेधून घेताना दिसतात. 'लोकसत्ता'च्या 'सहज बोलता बोलता' या वेब-संवादात गडकरींनी एक किस्सा सांगितला होता. हा किस्सा आहे 'बिग बी' अर्थात बॉलिवूड अभिनेते अमिताभ बच्चन यांच्याबद्दल. अमिताभ बच्चन यांनी गडकरींना एकदा फोन केला होता. मात्र गडकरींनी 'नाटक मत कर, रख नीचे फोन' असे म्हणत बिग बींचा फोन कट केला होता. सुरुवातीच्या काळात माझी आणि अमिताभ बच्चन यांची फारशी ओळख नव्हती. त्याच काळात एकदा अमिताभ यांनी मला फोन केला. फोनवरील व्यक्तीने पलिकडून हॅलो, मैं अमिताभ बोल रहा हूँ असं सांगितलं. त्यावेळी मला कोणीतरी माझी मस्करी करत असल्यासारखे वाटले, असं गडकरींनी त्या फोन कॉलबद्दल बोलाताना सांगितले. या फोन कॉलला आपण एकदम मजेदार उत्तर दिल्याचे सांगतानाच पुन्हा अमिताभ यांचा फोन आल्यानंतर आपण चुकल्याचे लक्षात आल्याचेही गडकरींनी यावेळी सांगितले. कोणीतरी मस्करी करत असल्याचे समजून मी, नाटक मत कर चल फोन रख असं म्हणत फोन कट केला. मात्र थोडा वेळात मला परत फोन आला आणि परत तोच आवाज ऐकू आला. मी खरोखरच अमिताभ बच्चन बोलत असल्याचे पलिकडच्या व्यक्तीने अगदी गांभीर्याने सांगितल्यानंतर मला चूक लक्षात आली, अशी आठवण गडकरींनी या कार्यक्रमात सांगितली. (सर्व फोटो सौजन्य : नितीन गडकरी / ट्विटर)