Photos : ४०० कोटी खर्च करुन झारखंडमधील देवघर विमानतळाची उभारणी; पंतप्रधान नरेंद्र मोदींच्या हस्ते होणार उद्धाटन

पंतप्रधान नरेंद्र मोदी यांच्या हस्ते मंगळवारी देवघर विमानतळाचे उद्घाटन होणार आहे. देवघर ते कोलकाता अशी विमानसेवा सध्या सुरु होणार आहे. त्यानंतर आंतरराष्ट्रीय विमानसेवाही सुरु करण्यात येणार आहे. झारखंडमधील रांचीच्या बिरसा मुंडा विमानतळानंतर देवघर विमानतळ हे राज्यातील दुसरे विमानतळ असेल. भारतीय विमानतळ प्राधिकरणाने ४०० कोटी रुपये खर्चून विमानतळ बांधले आहे. देवघर विमानतळ ६५४ एकरमध्ये पसरलेले आहे. विमानतळावर २५०० मीटर लांब धावपट्टी आहे, एअरबस A३२० आणि बोईंग ७३७ हे दोन्ही विमाने या धावपट्टीवर उतरु शकतात टर्मिनल बिल्डिंगमध्ये सहा चेक-इन काउंटर आणि दोन आगमन काऊंटर आहेत, टर्मिनल इमारतीची रचना बैद्यनाथ मंदिराच्या संरचनेवरून प्रेरित आहे आणि त्यात आदिवासी कला, हस्तकला आणि स्थानिक भित्तीचित्रे आहेत. 12 जुलै रोजी देवघर विमानतळाचे उद्घाटन केल्यानंतर पंतप्रधान नरेंद्र मोदी बाबा बैद्यनाथ धाम येथे प्रार्थना करणार आहेत. ४,००० चौरस मीटरची टर्मिनल इमारत बांधण्यात आली आहे. या इमारतीत प्रती तास २०० प्रवासी ये-जा करु शकातात पंतप्रधान नरेंद्र मोदी यांनी २५ मे २०१८ रोजी झारखंडमधील विमानतळाच्या विकासासाठी पायाभरणी केली होती.