Photos: पाऊस, सभा अन् समर्थक… आदित्य ठाकरेंच्या सभेने करुन दिली शरद पवारांच्या सभेची आठवण

युवासेनेचे प्रमुख आदित्य ठाकरे हे सध्या मुंबईत ठिकठिकाणी जाऊन शिवसैनिकांना भेटत आहेत. या निष्ठा यात्रेत ते शिवसैनिकांशी संवाद साधत आहेत. आदित्य ठाकरे यांनी काल (दि. २० जुलै) रोजी वडाळा येथील शिवसेना शाखा क्र. १७८ ला भेट दिली. यावेळी भर पावसात आदित्य ठाकरे यांनी शिवसैनिकांशी संवाद साधला. आदित्य ठाकरे यांनी नव्या सरकारवर टीका केली. "कोसळणाऱ्या पावसाला साक्ष ठेवत, हे नाटकी सरकारही कोसळणार..." असा विश्वास शिवसैनिकांना दिला. "शिवसेना सोडून जाणाऱ्या आमदारांमध्ये थोडी जरी लाज आणि हिंमत असेल तर आमदारकीचा राजीनामा देऊन पुन्हा निवडणुकीला सामोरे जाऊन दाखवा" असे आव्हानही आदित्य ठाकरे यांनी शिंदे गटातील आमदारांना दिले. साताऱ्यात शरद पवार जेव्हा सभा घेत होते त्याचवेळी पाऊस पडू लागला. मात्र पवारांनी भाषण चालूच ठेवले होते. गेल्या काही दिवसांपासून महाराष्ट्रात अनेक राजकीय घडामोडी घडत आहेत. महाविकास आघाडी सरकार कोसळल्यानंतर राज्यात एकनाथ शिंदे आणि देवेंद्र फडणवीस यांचं सरकार अस्तित्वात आले आहे. पण अद्याप मंत्रिमंडळाचा विस्तार झाला नाही. हे प्रकरण सर्वोच्च न्यायालयात गेले आहे. बंडखोरी आणि राज्यात सत्तापालट झाल्यानंतर शिवसेनेकडून संघटना मजबूत करण्यासाठी पावलं उचलली जात आहेत. पक्षावरील पकड मजबूत ठेवण्यासाठी उद्धव ठाकरे आणि आदित्य ठाकरे सक्रिय झाले आहेत. (सर्व फोटो सौजन्य : आदित्य ठाकरे / ट्विटर) (हेही पाहा : इंधनदर कपात ते सरपंचाची थेट निवड… शिंदे सरकारच्या पहिल्या मंत्रीमंडळ बैठकीमधील आठ महत्त्वाचे निर्णय)