PHOTOS : गळ्यात दागिने, नाकात नथ, चतुःशृंगी देवीच्या मंदिरात नवरात्रोत्सवास उत्साहात प्रारंभ; पाहा देवीचे मनमोहक रुप

घटस्थापनेने शारदीय नवरात्रोत्सवास प्रारंभ झाला. नवरात्रोत्सवाच्या पहिल्या दिवशी भक्तांनी महाराष्ट्रातील देवीच्या मंदिरांमध्ये दर्शनासाठी गर्दी केली होती. पुण्याच्या चतुःशृंगी देवीच्या मंदिरातही नवरात्रोत्सवास मोठ्या उत्साहाने प्रारंभ झाला. अभिषेक, रुद्राभिषेक, महापूजा, महावस्त्र अर्पण करुन देवीची अद्यावत आरती करण्यात आली. नवरात्रोत्सवाच्या पहिल्या दिवशी भक्तांनी देवीचे मंदिर फुलून गेले होते. चतुःशृंगी देवीच मंदिर पुण्यातील सर्वात मोठं आणि जागृत देवस्थान मानलं जातं दरवर्षी लाखो भाविक नवरात्रोत्सवाच्या काळात देवीच्या दर्शनासाठी येतात. करोनानंतर तब्बल २ वर्षानंतर निर्बंधमुक्त नवरात्रोत्सव साजरा करण्यात येत असल्यामुळे भक्तांमध्ये उत्साहाचे वातावरण आहे. दागदागिन्यांनी मडलेली देवीची मुर्ती अत्यंत मनमोहक दिसत होती. दिर ट्रस्टकडून नवरात्र उत्सवाची जय्यत तयारी करण्यात आली आहे. उत्सवात.श्री देवी चतुःशृंगी मंदिर दर्शनासाठी २४ तास खुले असणार आहे. भाविकांच्या सुरक्षेसाठी सुरक्षारक्षक, स्वयंसेवक, पोलिसदल, निमलष्करी दल यांची नियुक्ती करण्यात आली आहे. तसेच संपूर्ण मंदिर परिसरात जागोजागी सीसी टीव्ही कॅमेरे बसविण्यात आले आहेत. मंदिर समितीकडून भाविकांचा यात्रेसह संपूर्ण वर्षाचा रुपये दोन कोटींचा विमा करण्यात आला आहे. यावर्षी पासून देवस्थान ट्रस्टची भाविकांनी ऑनलाईन दर्शन पासची व्यवस्था केलेली आहे. तसेच मंदिर परिसरात देखील ऑफलाईन दर्शन पासेस वितरणासाठी तीन काऊंटरची व्यवस्था करण्यात आलेली आहे. (फोटो - ओश्वीन कढाओ / इंडियन एक्सप्रेस)