Photos : आणीबाणी ते संसदेतील मुद्द्यांपर्यंत; मुलायम सिंह यादवांच्या आठवणी जागावताना मोदी भावूक

समाजवादी पक्षाचे संस्थापक आणि उत्तर प्रदेशचे माजी मुख्यमंत्री मुलायम सिंह यादव यांचे निधन झाले आहे. दिल्लीच्या मेदांता रुग्णालयात त्यांनी ८ वाजून १६ मिनिटांनी अखेरचा श्वास घेतला. ते ८२ वर्षांचे होते. मुलायम सिंह यांच्या निधानानंतर पंतप्रधान नरेंद्र मोदींनी श्रद्धांजली अर्पण केली आहे. मोदींनी काही फोटो ट्विट करत त्यांच्यासोबतच्या आठवणींना उजाळा दिला आहे. पंतप्रधान आपल्या ट्विटमध्ये म्हणतात, मुलायम सिंह यादव यांनी उत्तर प्रदेशच्या आणि राष्ट्रीय राजकारणामध्ये स्वत:ची वेगळी ओळख निर्माण केली. आणीबाणीच्या कालावधीमध्ये ते लोकशाहीसाठी लढणारे महत्त्वाच्या नेतृत्वांपैकी एक होते. संरक्षणमंत्री म्हणून त्यांनी सक्षम भारत घडवण्यासाठी काम केलं. त्यांनी लोकसभेमध्ये उपस्थित केलेले मुद्दे हे फारच अभ्यासपूर्ण असायचे. तसेच हे मुद्दे राष्ट्रहिताच्या दृष्टीने महत्त्वाचे असायचे, असेही पंतप्रधान मोदींनी आपल्या ट्विटमध्ये म्हटलं आहे. ( सर्व फोटो - पंतप्रधान नरेंद्र मोदी ट्विटर )