PHOTOS : पंतप्रधान नरेंद्र मोदींनी घेतले श्री बद्रीनाथ, श्री केदारनाथाचे दर्शन

पंतप्रधान नरेंद्र मोदी आज (शुक्रवार) उत्तराखंडमध्ये दोन दिवसांच्या दौऱ्यावर आले आहेत. त्यांनी बद्रीनाथ मंदिराला भेट दिली आणि दर्शन घेतले. मोदींनी केंदरानाथ मंदिरासही भेट दिली. केदारनाथमध्ये त्यांनी गर्भगृहात सुमारे 20 मिनिटे पूजा केली. . त्यांनी एक खास पोशाख परिधान केला होता, जो जो हिमाचलच्या महिलांनी त्यांना भेट म्हणून दिला होता. त्याला चोल-दोरा म्हणतात या पोशखावर पाठीमागे स्वस्तिक होते. यादरम्यान पंतप्रधानांनी बद्रीनाथच्या माना गावात रस्ता आणि रोपवे प्रकल्पांची पायाभरणी केली. याप्रसंगी त्यांच्यासोबत उत्तराखंडचे मुख्यमंत्री पुष्कर सिंह धामी हे होते. त्यानंतर जनतेला संबोधित करताना पंतप्रधान मोदी म्हणाले की, आज बाबा केदारनाथ आणि बद्रीनाथ यांना पाहून मन प्रसन्न झाले, जीवन धन्य झाले. पंतप्रधान नरेंद्र मोदी म्हणाले, “माना गाव हे भारतातील शेवटचे गाव म्हणून ओळखले जाते पण माझ्यासाठी सीमेवरील प्रत्येक गाव हे देशातील पहिले गाव आहे. सीमेवरील तुमच्यासारखे सर्व मित्र देशाचे भक्कम पहारेकरी आहेत. 21 व्या शतकातील विकसित भारत घडवण्याचे दोन प्रमुख आधारस्तंभ असल्याचे पंतप्रधान मोदी म्हणाले. पहिला - आपल्या वारशाचा अभिमान आणि दुसरा - विकासासाठी सर्वोतोपरी प्रयत्न. माना गावात पीएम मोदी म्हणाले की, “पूर्वी ज्या भागांकडे देशाच्या सीमांचा शेवट म्हणून दुर्लक्ष केले जात होते, तेथून आम्ही समृद्धीची सुरुवात म्हणून काम सुरू केले. दुर्लक्षित राहिलेले देशातील शेवटचे गाव ओळखून आम्ही तेथील लोकांच्या अपेक्षांवर लक्ष केंद्रित केले. ते म्हणाले की, अयोध्येत असे भव्य राम मंदिर बांधले जात आहे, गुजरातमधील पावागढ येथील माँ कालिकेच्या मंदिरापासून ते विंध्याचल देवीच्या कॉरिडॉरपर्यंत भारत आपल्या सांस्कृतिक उन्नतीसाठी हाक देत आहे. पंतप्रधान म्हणाले, देशाच्या स्वातंत्र्याला ७५ वर्षे पूर्ण झाल्यानिमित्त मी लाल किल्ल्यावरून हाक दिली होती. ही हाक गुलामगिरीच्या मानसिकतेतून संपूर्ण मुक्तीसाठी आहे. कारण स्वातंत्र्याच्या इतक्या वर्षांनंतरही आपला देश गुलामगिरीच्या मानसिकतेने एवढा ग्रासलेला आहे. की प्रगतीचे काही काम काहींना गुन्हाच वाटतो. हे लोक परदेशात आपल्या संस्कृतीशी संबंधित स्थळांचे गुणगान करून थकले नाहीत, पण भारतात या प्रकारच्या कामाकडे तुच्छतेने पाहिले जात आहे. पंतप्रधान म्हणाले की, आधुनिक कनेक्टिव्हिटी ही राष्ट्रीय संरक्षणाची हमी आहे. त्यामुळे गेल्या ८ वर्षांपासून आम्ही या दिशेने एकापाठोपाठ एक पाऊल टाकत आहोत. भारतमाला अंतर्गत देशातील सीमावर्ती भाग उत्तम आणि रुंद महामार्गांनी जोडले जात आहेत. सागरमालाशी समुद्रकिनाऱ्यांची जोडणी मजबूत केली जात आहे. ते म्हणाले, “संवेदनशील सरकार, गरिबांची दुरवस्था समजून घेणारे सरकार आज देशाच्या कानाकोपऱ्यातील लोकांना जाणवत आहे. कोरानाच्या काळात जेव्हा लस घेण्याची वेळ आली तेव्हा जर पूर्वीची सरकार असतं तर कदाचित इथपर्यंत लसही पोहचली नसती. सकाळी साडेआठ वाजता मोदी केदारनाथाचे दर्शन घेण्यासाठी पोहचले होते. बद्रीनाथ मंदिर फुलांनी सजवण्यात आले होते.