PHOTOS : “आम्ही आहोत, नि:शंकपणे दिवाळी साजरी करा”; सीमेवरच दिवाळी साजरी करणाऱ्या जवानांच्या देशवासीयांना अभिमानास्पद शुभेच्छा…

जवान आपल्या कर्तव्याच्या ठिकाणीच म्हणजेच सीमेवरच आपल्या सहकाऱ्यांसमवेत दिवाळीही साजरी करत आहेत. नियंत्रण रेषेवर तैनात असलेल्या भारतीय जवानांनी दिवाळीनिमित्त दिवे लावून दिपोत्सव साजरा केला. यावेळी त्यांनी देशवासीयांना दिवाळीच्या शुभेच्छा दिल्या. आम्ही देशाच्या रक्षणासाठी सीमेवर तैनात आहोत, तुम्ही नि:शंकपणे दिवाळी साजरी करा, असा संदेशही दिला. कर्नल इक्बाल सिंह यांनी म्हटले की, मी देशवासीयांना सांगू इच्छितो की चिंता करू नका आणि आनंदात दिवाळीचा सण साजरा करा. मी देशवासीयांना दिवाळीच्या शुभेच्छा देऊ इच्छितो आणि त्यांना आश्वस्त करू इच्छितो की आमचे सैनिक सतर्क आहेत आणि सीमेवर लक्ष ठेवून आहेत. सीमेवरील भारताचे वीर जवान आपल्या देशवासीयांना आनंदात सण-उत्सव साजरे करता यावेत म्हणून आपल्या कुटुंबापासून दूर राहून देशाचे रक्षण करत आहेत. देशाच्या रक्षणासाठी कोणत्याही परिस्थितीवर मात करण्याची या जवानांची तयारी असते. त्यामुळे भारतीय जवान हे प्रत्येक देशवासीयांचा अभिमान असतात.

जवानांनी सीमेवर दिवे लावले आणि फटाकेही फोडले