Photos : ‘भारत जोडो यात्रे’त राहुल गांधीबरोबर माजी कर्णधार अझरुद्दीन सामील

काँग्रेसचे नेते राहुल गांधी यांच्या नेतृत्वात निघालेली 'भारत जोडो यात्रा' तेलंगाणा राज्यात पोहचली आहे. तामिळनाडू, केरळ, कर्नाटक, आंध्रप्रदेश असा प्रवास करत 'भारत जोडो यात्रा' तेलंगाणात आली आहे. 'भारत जोडो यात्रा'ने आतापर्यंत ४९ दिवसांत २२५९ किलोमीटरचा प्रवास केला आहे. दिवाळीनिमित्त सर्व काँग्रेसचे कार्यकर्ते घरी गेल्याने तीन दिवस 'भारत जोडो यात्रा' थांबवण्यात आली होती. आज ( २८ ऑक्टोंबर ) पुन्हा यात्रेला तेलंगाणातील नारायण पेठ येथून सुरु झाली आहे. यात्रेत भारताचा माजी कर्णधार मोहम्मद अझरुद्दीन सामील झाला होता. त्यानंतर मोहम्मद अझरुद्दीन स्वत: हे फोटो समाजमाध्यमांत शेअर केले आहेत. लवकरच ही यात्रा महाराष्ट्रात येणार आहे. यासाठी महाराष्ट्र काँग्रेसकडून जय्यत तयारी करण्यात येत आहे.