PHOTOS : दक्षिण भारतातील पहिली ‘वंदे भारत एक्सप्रेस’ आणि ‘भारत गौरव काशी दर्शन ट्रेन’ला मोदींनी दाखवला हिरवा झेंडा

पंतप्रधान नरेंद्र मोदी आज(शुक्रवार)पासून दक्षिण भारतामधील चार राज्यांच्या दोन दिवसांच्या दौऱ्यावर आहेत. आज सकाळी पंतप्रधान नरेंद्र मोदी यांनी दक्षिण भारतामधील मैसूर आणि चेन्नई दरम्यानच्या पहिल्या ‘वंदे भारत एक्सप्रेस’ला हिरवा झेंडा दाखवला. बंगुळरुमधील केएसआर स्टेशनवरून मोदींनी रेल्वेला झेंडा दाखवला. याचबरोबर मोदींनी भारत गौरव काशी दर्शन ट्रेनलाही हिरवा झेंडा दाखवला. पंतप्रधान नरेंद्र मोदींच्या दक्षिण भारतातील दौऱ्याच्या पार्श्वभूमीवर कडेकोट सुरक्षा व्यवस्था ठेण्यात आलेली आहे. पंतप्रधान मोदींच्या दौऱ्यानिमित्त विविध कार्यक्रमांचे आयोजन करण्यात आलेले आहे. या अगोदर पंतप्रधा मोदी आज सकाळी बंगळुरुच्या एचएएल विमानतळावर पोहचले. जिथे कर्नाटकचे राज्यपाल थावरचंद गहलोत, मुख्यमंत्री बसवराज बोम्मई, मंत्रिमंडळातील अनेकमंत्री, केंद्रीयमंत्री प्रल्हाद जोशी आदींनी त्यांचे स्वागत केले. तर तामिळनाडूत आगमन झाल्यानंतर स्टॅलिन यांनी मोदींचे स्वागत केले.