Photos: ‘अधीश’ व्यतिरिक्त नारायण राणे सहा बंगले व तीन फ्लॅटचे मालक, एकूण किंमत माहितीये का?

केंद्रीय मंत्री नारायण राणे यांच्या मुंबईतील ‘अधीश’ बंगल्यातील बेकायदा बांधकाम पाडण्यास आज सकाळी सुरुवात झाली. न्यायालयाने राणेंना ‘अधीश’मधील बांधकाम स्वत:हून हटवावे अथवा मुंबई महानगरपालिकेने पाडकाम केल्यास त्याचे पैसे वसूल करण्याचा इशारा नोटीसमध्ये दिला होता. (फोटो: अमित चक्रवर्ती, इंडियन एक्सप्रेस) त्यामुळे कोर्टाने अनधिकृत बांधकाम पाडण्याचे आदेश दिल्यानंतर राणे कुटुंबाकडूनच त्यांच्या घरावर हातोडा चालवला जात आहे. (फोटो: अमित चक्रवर्ती, इंडियन एक्सप्रेस) जुहूमधील राणेंच्या या आठ मजली बंगल्यात अनधिकृत बांधकाम झाल्याचं समोर आलं होतं. राणेंच्या कंपनीनेच या बंगल्याचं बांधकाम केलं आहे. (फोटो: अमित चक्रवर्ती, इंडियन एक्सप्रेस) नारायण राणे त्यांच्या जुहू बंगल्यातील कारवाईमुळे चर्चेत आले आहेत. परंतु, त्यांच्या नावे एकूण किती बंगल्यांची नोंद आहे हे तुम्हाला ठाऊक आहे? मुंबईतील चेंबूर येथे नारायण राणे व त्यांच्या पत्नीच्या नावे एकाच इमारतीतील दोन फ्लॅट्सची नोंद आहे. याची किंमत प्रत्येकी सुमारे ९० लाख ते एक कोटीच्या घरात आहे. पुण्यातील शिवाजी नगर परिसरात नारायण राणेंचा पाच हजार स्क्वेअर फूटमध्ये पसरलेला बंगला आहे. त्याची किंमत १२ कोटींच्या घरात आहे. याशिवाय पुण्यातील कोथरुड परिसरात दोन कोटी किमतीचा फ्लॅट त्यांच्या पत्नीच्या नावे आहे. नारायण राणे व त्यांच्या पत्नीच्या नावे कणकवली येथे तीन बंगले आहेत. या तिन्ही बंगल्यांची एकूण किंमत एक कोटी ८० लाखांच्या घरात आहे. तर सिंधुदुर्ग जिल्ह्यातील मालवणमध्ये ८५-८८ लाख किंमतीचे दोन बंगले राणे दाम्पत्याच्या नावे आहेत. निवडणूक आयोगाला दिलेल्या माहितीनुसार, जुहू येथील ‘अधीश’ बंगला वगळता एकूण ६ बंगले व ३ फ्लॅट नारायण राणे यांच्या मालकीचे आहेत. नारायण राणे यांच्या मालकीच्या बंगल्यांची एकूण किंमत २० कोटी ८१ लाख इतकी आहे. (सर्व फोटो: नारायण राणे/ फेसबुक) (हेही पाहा >> Photos: फूड ब्लॉगर ते प्रेयसीच्या मृतदेहाचे ३५ तुकडे करणारा खूनी, कोण आहे आफताब पूनावाला?)