भाजपाबरोबर जाण्यापासून ईडीकडून क्लीन चिटपर्यंत, अजित पवार नेमकं काय म्हणाले? वाचा…

अंजली दमानिया यांनी राष्ट्रवादी काँग्रेसचे नेते आणि राज्याचे विरोधी पक्षनेते अजित पवार भाजपा बरोबर जातील, असा दावा केला. यानंतर बुधवारचा (१२ एप्रिल) दिवस अजित पवारांभोवतीच फिरला. दमानियांच्या दाव्यावर अजित पवारांनी केवळ एका वाक्यात प्रतिक्रिया दिली. यावेळी त्यांनी ईडीकडून क्लीन चिट, ठाकरे-पवार भेट, जीवाला धोका असल्याचा भाजपा पदाधिकाऱ्याचा आरोप, नाना पटोलेंची टीका या सर्वच मुद्द्यांवर भूमिका व्यक्त केली. त्याचा हा आढावा... मी भाजपाबरोबर जाणार असं वक्तव्य करणाऱ्या अंजली दमानियांएवढ्या मोठ्या व्यक्तीबद्दल माझ्यासारखा छोटा कार्यकर्ता काय सांगणार आहे - अजित पवार मला आणि सुनेत्रा पवार यांना जरंडेश्वर कारखाना प्रकरणात ईडीकडून क्लीनचिट मिळाल्याच्या बातमीत अजिबात तथ्य नाही - अजित पवार ती चौकशी सुरू आहे. त्यात कुठल्याही प्रकारची क्लीनचिट मिळालेली नाही - अजित पवार ही बातमी कशाच्या आधारे दिली हे मला कळायला मार्ग नाही, पण मी सर्वांना स्पष्ट सांगू इच्छितो की, अशाप्रकारची क्लीनचिट मिळालेली नाही - अजित पवार शरद पवार आणि उद्धव ठाकरे यांच्या बैठकीतील तपशील मला माहिती नाही - अजित पवार मला शरद पवार फक्त म्हणाले होती की, उद्धव ठाकरे मला भेटायला येणार आहेत - अजित पवार बरेच दिवस त्या दोघांची भेट नसल्यामुळे उद्धव ठाकरे भेटायला आले असतील - अजित पवार उद्धव ठाकरे आणि संजय राऊत असे दोघेही भेटायला आले होते. तास दीड तास त्यांच्यात चर्चा झाल्याचं बातम्यांवरून माहिती मिळाली आहे - अजित पवार मध्यंतरी वेगवेगळ्या नेत्यांनी वेगवेगळ्या प्रकारची वक्तव्ये केली. त्यानंतर मविआतील घटकपक्षांमध्ये अंतर पडते की काय अशा बातम्याही पसरवल्या गेल्या. त्यावर या बैठकीत चर्चा झाली असावी - अजित पवार मला नेमके विषय काय होते माहिती नाही, पण १ मे रोजी मुंबईतील बीकेसीला जे सभा होणार आहे त्यावर चर्चा झाली हे मला माहिती आहे - अजित पवार काँग्रेस प्रदेशाध्यक्ष नाना पटोले नेहमी अशाप्रकारची वक्तव्ये करतात - अजित पवार अनेकदा आम्हालाही काही माहिती मिळते. अशी वक्तव्ये केल्याने कारण नसताना महाविकासआघाडीमध्ये अंतर पडू शकतं - अजित पवार नाना पटोलेंनी या गोष्टी माध्यमांमध्ये बोलण्याऐवजी जयंत पाटील यांच्याशी बोलावं. माझ्याशी बोलावं. उद्धव ठाकरेंशी बोलावं, आदित्य ठाकरेंशी बोलावं. त्यातून मार्ग निघू शकतो. त्यामुळे या गोष्टी बंद केल्या पाहिजे - अजित पवार मविआची सभा होईल तेव्हा मी जरूर या गोष्टी तिथं मांडेल - अजित पवार माझ्या माहितीप्रमाणे गोंदियात भाजपा-राष्ट्रवादी अशाप्रकारची कुठलीही आघाडी झालेली नाही - अजित पवार फक्त सकाळी लातूरचे काही कार्यकर्ते आले होते, ते म्हणाले की, लातूर तालुक्यात मविआला विचारलं जात नाही. काँग्रेस त्यांच्यापरीने निर्णय घेतं, मग आम्ही काय करायचं - अजित पवार मी लातूरच्या कार्यकर्त्यांना सांगितलं की, तुम्ही जयंत पाटलांच्या कानावर घाला - अजित पवार तसेच बाकीच्यांनी निर्णय घेऊन एकदा त्यांना सांगा की, तुम्ही आम्हाला बरोबर घेणार नसाल तर शेवटी आम्हाला आमचा काही विचार करावा लागेल - अजित पवार आम्ही इतरांना पुढे घेऊन जायचं का असा प्रश्न काँग्रेसलाच विचारण्यास कार्यकर्त्यांना सांगितलं - अजित पवार काँग्रेसअंतर्गत विषयासंदर्भात मी बोलू इच्छित नाही. तो त्यांच्या पक्षाचा प्रश्न आहे. ज्यांनी-त्यांनी आपल्या पक्षातील अंतर्गत प्रश्न आपापल्या स्तरावर सोडवावे - अजित पवार आम्हाला सूचना करण्याचा अधिकार नाही आणि नाक खुपसायचाही अधिकार नाही. मात्र आघाडी टिकावी असे वाटते - अजित पवार कुणाला एखाद्यामुळे जीवाला धोका असेल आणि ज्याने तक्रार दिली असेल तर सरकारने संरक्षण दिले पाहिजे - अजित पवार गंभीर धोका असेल तर स्टेनगनधारी संरक्षण दिले पाहिजे - अजित पवार तुम्हाला तरी वाटते का की, माझ्यामुळे कुणाला धोका आहे. मी कायदा व सुव्यवस्था पाळणारा, संविधान पाळणारा, असा माणूस आहे असे - अजित पवार गारपीठीने शेतकऱ्यांचे एक लाख एकरापेक्षा जास्त नुकसान कालपर्यंत झाले होते. अजुनही गारपीठ आणि अवकाळी पाऊस पडण्याची शक्यता हवामान खात्याने वर्तविली आहे - अजित पवार यामुळे उन्हाळी पिकांचे अतोनात नुकसान होणार आहे. गारपीठ जी होत आहे त्याने अक्षरशः बर्फाचा थर जमा होत आहे - अजित पवार त्यामुळेच मुख्यमंत्री आणि उपमुख्यमंत्री यांना मंगळवारी पत्र देऊन प्रतिहेक्टर ५० हजार रुपये आणि एक लाख रुपये प्रति हेक्टर फळबागांसाठी द्या अशी मागणी केली आहे - अजित पवार सर्व छायाचित्र - संग्रहित