शरद पवारांपासून सुनील तटकरेंपर्यंत; मविआ नेत्यांच्या प्रत्येक टीकेला संजय राऊतांचं प्रत्युत्तर, म्हणाले…

राष्ट्रवादी काँग्रेसचे खासदार सुनील तटकरे यांनी शिवसेनेचे (ठाकरे गट) खासदार संजय राऊत यांच्या वक्तव्याने महाविकासआघाडीत अडचणी निर्माण होत असल्याचा गंभीर आरोप केला. यानंतर आता संजय राऊतांनी या आरोपांना प्रत्युत्तर दिलं आहे. यावेळी राऊतांनी तटकरेंना तुम्हीही बोलण्याची हिंमत दाखवा, असं आव्हान दिलं. ते बुधवारी (१० मे) मुंबईत पत्रकार परिषदेत नेमकं काय म्हणाले याचा हा आढावा... सुनील तटकरेंनी राज्याच्या राजकारणाविषयी थोडं समजून घेतलं पाहिजे - संजय राऊत सामना मागील ४० वर्षांपासून राज्यातील राजकारणाविषयी आपलं मत नोंदवत आहे - संजय राऊत त्यांच्याबरोबर इतर कुणी नव्हतं तेव्हा सामनाच त्यांच्या नेत्यांच्या समर्थनार्थ उभा होता - संजय राऊत जर कुणाला त्यांचं मत मांडायचं असेल तर मांडू द्या - संजय राऊत जर त्यांना काही चुकीचं वाटत असेल तर त्यांच्या पक्षाच्या प्रवक्त्यांनी समोर येऊन त्यांची बाजू मांडावी - संजय राऊत आम्ही त्यांना कुठं रोखलं आहे - संजय राऊत मी माझ्या पक्ष, राज्य आणि देशाविषयी बोलतो. यात त्यांचं पोट दुखण्याचं कारण नाही - संजय राऊत मी माझ्या पक्षाची भूमिका आणि मतं मांडतो. त्यांनीही त्यांचं काही मत असेल, विचारसरणी असेल तर मांडावी - संजय राऊत त्यांना कुणीही रोखलेलं नाही. त्यांनी बोलत रहावं, बोलण्याची हिंमत दाखवावी - संजय राऊत चांगली गोष्ट आहे, शरद पवार सामनाला महत्त्व देत नाही म्हणाले. मात्र, मी कुठे म्हणतो सामनाला महत्त्व द्या. शरद पवार आमच्या सर्वांचे नेते आहेत - संजय राऊत सर्व फोटो संग्रहित