PM Modi Oath Ceremony: नरेंद्र मोदींचा तिसरा शपथविधी सोहळा! ‘हे’ परदेशी पाहुणे उपस्थित राहणार?

पंतप्रधान नरेंद्र मोदी यांनी बुधवारी (६ जून) रोजी 'एनडीए'तील घटक पक्षांना विश्वासात घेऊन केंद्रातील मोदी ३.० सरकारचा मार्ग सुकर केला. पंतप्रधानांच्या सरकारी निवासस्थानी झालेल्या बैठकीत मोदींची 'एनडीए'च्या प्रमुखपदी एकमताने नियुक्ती करण्यात आली. या बैठकीमध्ये, केंद्रात सरकार स्थापनेचा दावा तातडीने करण्याची विनंती मोदींना करण्यात आली. 'एनडीए'तील घटक पक्षांच्या नेत्यांनी मोदींना पाठिंब्याचे लेखी पत्रही दिले असून मोदींच्या मंत्रिमंडळाचा शपथविधी रविवारी ९ जून रोजी होण्याची शक्यता आहे. नरेंद्र मोदी यंदा तिसऱ्यांदा पंतप्रधान पदाची शपथ घेणार आहेत. या शपथविधी सोहळ्याला परदेशी पाहूणे हजेरी लावणार असल्याची चर्चा आहे. सूत्रांच्या हवाल्याने इंडिया टुडेने यासंदर्भातील वृत्त दिलं आहे. यामध्ये बांगलादेशच्या पंतप्रधान शेख हसीना. श्रीलंकेचे राष्ट्राअध्यक्ष रानिल विक्रमसिंघे. नेपाळचे पंतप्रधान पुष्प कमल दहल. भूतानचे पंतप्रधान शेरिंग तोबगे. मॉरिशसचे पंतप्रधान प्रविंद जुगनाथ यांचा समावेश आहे. (सर्व फोटो सौजन्य : नरेंद्र मोदी / सोशल मीडिया) (हेही पाहा : रोहित पवार यांनी शेअर केले रायगडावरील ३५० व्या शिवराज्याभिषेक सोहळ्याचे खास फोटो)