Photos: ‘आजीने केला संभाळ ते पहिली नोकरी’; रतन टाटा यांच्या बद्दलच्या काही खास गोष्टी

Ratan Tata Passes Away: टाटा उद्याोगसमूहाचे माजी अध्यक्ष रतन टाटा (Ratan Tata) यांचे बुधवारी (०९ ऑक्टोबर) रात्री मुंबईतील रुग्णालयात वृद्धापकाळाने निधन झाले. रतन टाटा यांचे वडील नवल टाटा (Naval Tata) हे नवाजबाई टाटा (Navajbai Tata) आणि रतनजी टाटा (Ratanji Tata) यांचे दत्तक पूत्र होते. रतन टाटा हे अवघे १० वर्षाचे असताना त्यांच्या आई वडिलांनी घटस्फोट घेतला. त्यानंतर १९४० पासून रतन टाटा यांच्या आजीनेच त्यांचा संभाळ केला. टाटा स्टील्समध्ये रतन टाटा यांना पहिल्यांना नोकरी मिळाली तेव्हा चुनखडी आणि स्फोट भट्टीची जबाबदारी देण्यात आली होती. १९६१ साली त्यांनी टाटा कंपनीमध्ये काम करण्यास सुरुवात केली. २००७ साली रतन टाटा हे पहिले सामान्य भारतीय ठरले होते ज्यांनी एफ-१६ फाल्कन हे विमान उडवले होते. एका अमेरिकन वैमानिकाबरोबर सहवैमानिक म्हणून रतन टाटांनी ४० मिनिटे हे विमान उडवले होते. हा कारनामा त्यांनी अरो इंडिया शोमध्ये केला होता. रतन टाटा यांच्या नेतृत्वाखाली टाटा समुहाने काही मोठ्या कंपन्या विकत घेऊन जगभरामध्ये आपला विस्तार केला. हार्वर्ड बिझिनेस स्कूलमधील एका इमारतीला रतन टाटा यांचे नाव देण्यात आले आहे. रतन टाटा यांच्या निधनानंतर महाराष्ट्र सरकारने एक दिवसाचा शासकीय दुखवटा जाहीर केला आहे. सर्व सरकारी कार्यक्रम रद्द करण्यात आले आहेत. रतन टाटा यांच्या पार्थिवावर आज संध्याकाळी ४ च्या सुमारास अंत्यसंस्कार केले जाणार आहेत. (सर्व फोटो सौजन्य : रतन टाटा/इन्स्टाग्राम)