Photos: उपराजधानीत देवेंद्र फडणवीस यांचं जल्लोषात स्वागत; चर्चा मात्र अमृता फडणवीस यांच्या मंगळसूत्राच्या डिझाईनची

नागपूरचे (Nagpur) सुपुत्र असलेले मुख्यमंत्री देवेंद्र फडणवीस (Devendra Fadnavis) यांचे रविवारी (१५ डिसेंबर) उपराजधानीत आगमन होताच विमानतळ ते लक्ष्मीभवन चौक या मार्गावरील विविध चौकांत ढोलताशांच्या निनादात व पुष्पवृष्टी करत जल्लोषात स्वागत करण्यात आले. या वेळी 'देवाभाऊ आगे बढो...', 'भारतीय जनता पक्षाचा विजय असो', अशा घोषणांनी विमानतळ परिसर दुमदुमून गेला. हॉटेल रेडिसनसमोर केंद्रीय मंत्री नितीन गडकरी यांनी देवेंद्र फडणवीस यांचे स्वागत करत त्यांना शुभेच्छा दिल्या. देवेंद्र फडणवीस यांच्या आगमनानिमित्त भाजपने त्याच्या स्वागतासाठी शहरात जंगी तयारी केली होती. ठिकठिकाणी मोठे फलक लावण्यात आले होते. राज्याच्या सर्वोच्च पदाची सूत्रे स्वीकारल्यानंतर रविवारी दुपारी १२ वाजता त्याचे नागपूर विमानतळावर आगमन झाले. भाजपचे प्रदेशाध्यक्ष चंद्रशेखर बावनकुळे यांनी त्यांचे स्वागत केले. या वेळी विमानतळ परिसरात कार्यकर्त्यांची मोठ्या प्रमाणात गर्दी केली होती. 'विजेता तू देवाभाऊ, पुढे चल' हे गाणे त्यांच्या स्वागतानिमित्त वाजवले जात होते. नागपूरात देवेंद्र फडणवीस यांच्याबरोबर पत्नी अमृता फडणवीसदेखील (Amruta Fadnavis) होत्या. अमृता फडणवीस यांनी गुलाबी रंगाचा ड्रेस परिधान केला होता. अमृता फडणवीस यांनी सोशल मीडियावर शेअर केलेल्या फोटोंमध्ये त्यांच्या मंगळसूत्राच्या डिझाईनने लक्ष वेधले आहे. अमृता फडणवीस यांचं मंगळसूत्र साध्या व सुंदर अशा डिझाइनचे आहे. यामध्ये सोने, काळे मणी व दोन डवल्या आहेत. (सर्व फोटो सौजन्य : अमृता फडणवीस/सोशल मीडिया) (हेही पाहा : लाडकी बहीण मंत्रिमंडळात मात्र दोडकी! केवळ चारच महिलांना मंत्रिपदं; फडणवीस म्हणाले, "संख्या ३०० टक्क्यांनी वाढली")