Photos: “पंतप्रधान मोदी वाटाघाटीत…”, डोनाल्ड ट्रम्प नरेंद्र मोदींच्या व्यक्तिमत्त्वाबद्दल काय म्हणाले?

PM Narendra Modi US Visit: पंतप्रधान नरेंद्र मोदी दोन दिवसांच्या अमेरिका दौरा करत आहेत. अमेरिकेचे अध्यक्ष डोनाल्ड ट्रम्प (President Donald Trump) यांच्याबरोबर मोदी चर्चा करत आहेत. दौऱ्याच्या पहिल्याच दिवशी पंतप्रधानांनी (Prime Minister Narendra Modi) अमेरिकेचे राष्ट्रीय गुप्तचर खात्याच्या संचालक तुलसी गॅबार्ड आणि राष्ट्रीय सुरक्षा सल्लागार यांच्याशी झालेल्या चर्चेत द्विपक्षीय सहकार्यावर भर देण्यात आला. अमेरिकी अध्यक्षांच्या 'ब्लेअर हाउस' (Blair House) या अतिथी निवासामध्ये मोदी थांबले आहेत. पंतप्रधान मोदींचे भारतीय समुदायाने मोठे स्वागत केले. डोनाल्ड ट्रम्प यांनी नरेंद्र मोदींना 'अत्यंत वाटाघाटीत वाकबागर असेलेल नेते' (PM Modi Is A Tough Negotiator) असे म्हटले आहे. पंतप्रधान नरेंद्र मोदी शुक्रवारी व्हाईट हाऊसमध्ये दाखल झाल्यानंतर डोनाल्ड ट्रम्प यांनी मोदींची गळाभेट घेतली. यावेळी 'वुई मिस यू' (We Missed You A Lot) असे म्हणून ट्रम्प यांनी मोदींचे अभिवादन केले. डोनाल्ड ट्रम्प यांनी नरेंद्र मोदी यांना 'माझा चांगला मित्र' (A Great Friend Of Mine) असे म्हणाले. डोनाल्ड ट्रम्प यांनी स्वत:चं फोटोबुक 'अवर जर्नी टुगेदर' नरेंद्र मोदींना भेट दिले. या पुस्तकात डोनाल्ड ट्रम्प यांनी स्वहस्ताने मोदींसाठी संदेशदेखील लिहिला. यात पंतप्रधान मोदींचा 'मिस्टर प्राईम मिनिस्टर, यू आर ग्रेट' (Mr Prime Minister, You're Great), असा उल्लेख केला आहे. नरेंद्र मोदींबद्दल बोलताना डोनाल्ड ट्रम्प म्हणाले 'तुम्ही उमदे व्यक्ती आहात' (A Terrific Man). डोनाल्ड ट्रम्प नरेंद्र मोदींबद्दल म्हणाले 'आपले द्वीपक्षीय संबंध आणखी दृढ झाले आहेत' (Our Relationship Is The Best It’s Ever Been). (सर्व फोटो सौजन्य : डोनाल्ड ट्रम्प आणि नरेंद्र मोदी/सोशल मीडिया)