दिल्ली रेल्वे स्थानकावर ‘या’ १० चुका टाळता आल्या असत्या तर त्या १८ जणांचे प्राण वाचले असते…

शनिवारी (१५ फेब्रुवारी) रात्री नवी दिल्ली रेल्वे स्थानकावर झालेल्या चेंगराचेंगरीने सर्वांनाच धक्का बसला आहे. प्लॅटफॉर्मवर जमलेल्या प्रचंड गर्दीमुळे झालेल्या चेंगराचेंगरीत १८ जणांचा मृत्यू झाला आहे आणि डझनभर लोक जखमी झाले आहेत. (एक्सप्रेस फोटो - गजेंद्र यादव) शनिवारी रात्री नवी दिल्ली रेल्वे स्थानकावर जमलेली गर्दी प्रयागराजमध्ये होणाऱ्या महाकुंभमेळ्यात स्नान करण्यासाठी जात होती. (एक्सप्रेस फोटो - गजेंद्र यादव) दरम्यान, सध्या चेंगराचेंगरीतील जखमींना ताबडतोब लोकनायक जयप्रकाश नारायण रुग्णालय आणि लेडी हार्डिंग मेडिकल कॉलेजमध्ये दाखल करण्यात आले आहे. (एक्सप्रेस फोटो - गजेंद्र यादव) मृत्युमुखी पडलेल्या १८ जणांमध्ये ९ महिला, ४ पुरुष आणि ५ मुले आहेत. या घटनेमागील कारण प्रशासकीय दुर्लक्ष आणि गर्दी व्यवस्थापनाचा अभाव असल्याचे सांगितले जात आहे. (एक्सप्रेस फोटो - गजेंद्र यादव) १- शनिवारी रात्री प्रयागराज महाकुंभाला जाणाऱ्या प्रवाशांची मोठी गर्दी स्टेशनवर जमली होती. रेल्वे प्रशासनाने दर तासाला सुमारे १५०० जनरल तिकिटे विकली. (एक्सप्रेस फोटो - गजेंद्र यादव) २- तासाला सुमारे १५०० तिकिटे विकली जात असताना प्रशासनाने कारवाई करायला हवी होती, त्यामुळे ही दुर्घटना टाळता आली असती. सर्वसाधारण डब्यांसाठी मर्यादित जागा असूनही, आवश्यकतेपेक्षा जास्त तिकिटे विकली गेली. (एक्सप्रेस फोटो - गजेंद्र यादव) ३- एका प्रत्यक्षदर्शीने सांगितले की, प्लॅटफॉर्मच्या पायऱ्यांवर चेंगराचेंगरी सुरू झाली. तो म्हणाला, 'आम्ही छप्राला जाण्यासाठी पायऱ्या उतरत होतो. सगळं काही सामान्य होतं, पण अचानक गर्दी जमली. या चेंगराचेंगरीत त्याची आई खाली पडली आणि गर्दी तिला तुडवत पुढे सरकली. (एक्सप्रेस फोटो - अभिनव साहा) ४- या अपघाताचे सर्वात मोठे आणि मुख्य कारण म्हणजे रेल्वेने अचानक प्लॅटफॉर्म बदलण्याची घोषणा केली. प्रयागराजला जाणारी विशेष ट्रेन प्लॅटफॉर्म क्रमांक १४ वरून सुटेल असे प्रवाशांना आधी सांगण्यात आले होते. पण जेव्हा प्लॅटफॉर्म १६ वरून ट्रेन वेळेवर सुटेल अशी घोषणा झाली तेव्हा लोक वेगाने धावू लागले. (एक्सप्रेस फोटो - गजेंद्र यादव) ५- प्लॅटफॉर्म बदलण्याची घोषणा होताच लोकांमध्ये गोंधळ उडाला आणि काही वेळातच त्याचे रूपांतर चेंगराचेंगरीत झाले. लोक प्लॅटफॉर्मच्या पायऱ्यांवर एकमेकांवर पडत राहिले आणि चिरडले जात गेले. (एक्सप्रेस फोटो - गजेंद्र यादव) ६- काही प्रवासी तिकिटे नसतानाही प्लॅटफॉर्मवर आले होते. कन्फर्म तिकिटे असलेले प्रवासीही ट्रेनमध्ये चढण्याचा प्रयत्न करत होते. सामान्य बोगी वगळता, एसी कोच देखील पूर्णपणे भरलेले होते. (एक्सप्रेस फोटो - गजेंद्र यादव) ७- प्रवेशद्वारांवर कोणतीही सुरक्षा तपासणी नव्हती, त्यामुळे तिकीट नसलेले प्रवासी सहजपणे स्टेशनवर पोहोचले. प्लॅटफॉर्म तिकिटेही उपलब्ध नव्हती, ज्यामुळे परिस्थिती आणखी बिकट झाली. जर प्रवेशद्वारांवर तिकिटे तपासली असती तर चेंगराचेंगरी झाली नसती. (एक्सप्रेस फोटो - गजेंद्र यादव) ८- जेव्हा रेल्वे तिकिटे विकत होती, तेव्हा किती प्रवासी येत आहेत हे कळले. यासाठी प्रशासनाने तातडीने कारवाई करायला हवी होती. (एक्सप्रेस फोटो: अभिनव साहा) ९- शिवाय, जेव्हा प्लॅटफॉर्मवरील गर्दी इतकी वाढली होती, तेव्हा रेल्वेने काळजीपूर्वक विचार करून प्लॅटफॉर्म बदलण्याबाबत घोषणा करताना विचार करणे गरजेचे होते. कदाचित यामुळे १८ जीव वाचले असते. (एक्सप्रेस फोटो - गजेंद्र यादव) १०- नवी दिल्ली रेल्वे स्थानक हे देशातील सर्वात सुरक्षित स्थानकांपैकी एक मानले जाते, जिथे अनेक अत्याधुनिक सुरक्षा व्यवस्था आहेत. पण या घटनेमुळे सर्व सुरक्षा व्यवस्था कोलमडून गेल्यीचे पाहायला मिळाले आहे. (एक्सप्रेस फोटो - गजेंद्र यादव) हेही पहा- Photos: दिल्ली रेल्वे स्थानकातील चेंगराचेंगरीची घटना नेमकी कशी घडली? फोटो पाहून अंगावर काटा येईल…