Photos: विधीमंडळाच्या पावसाळी अधिवेशनाला सुरूवात; शेतकरी कर्ज माफी, हिंदी भाषेवरून विरोधक आक्रमक

Maharashtra Assembly Monsoon Session 2025 Updates in Marathi: आजपासून (३० जून) राज्य विधीमंडळाचं पावसाळी अधिवेशन सुरु झालं आहे. हे अधिवेशन १८ जुलैपर्यंत (Maharashtra Monsoon Session) असणार आहे. त्यामुळे या पावसाळी अधिवेशनात विविध मुद्यांवरून विरोधक आक्रमक होण्याची शक्यता आहे. सत्ताधारी आणि विरोधी पक्षाचे आमदार विधानभवनात दाखल झाले आहेत. राज्य सरकारने हिंदी भाषा सक्तीचा निर्णय अधिवेशनाच्या पूर्वसंध्येला रद्द केला. राज्य सरकारने हिंदी भाषा सक्तीचा निर्णय रद्द केला असला तरी या मुद्यावरून देखील विरोधक सरकारला जाब विचारण्याची शक्यता आहे. तसेच शेतकऱ्यांची कर्ज माफी, शक्तिपीठ महामार्गाचा विषय, लाडकी बहीण योजनेचा हप्ता १५०० ऐवजी २१०० रुपयांचं दिलेलं आश्वासन यासह आदी महत्वाच्या विषयांवरून विरोधक सरकारला घेरण्याची शक्यता आहे. दरम्यान, आज विधानसभेचं कामकाज सुरु झाल्यानंतर सभागृहात शोकप्रस्ताव मांडण्यात आला, त्यानंतर हा प्रस्ताव संमत झाल्यानंतर आजच्या दिवसभराचं कामकाज संपलं आहे. (सर्व फोटो - अमित चक्रवर्ती, इंडियन एक्सप्रेस)