Photos : मुंबईत ३० कोटींचा फ्लॅट, प्रायव्हेट जेट अन् लक्झरी गाड्या; हार्दिक पंड्याचा थक्क करणारा राजेशाही थाट

Asia Cup 2022 : रविवारी पार पडलेला भारत-पाकिस्तान सामना चांगलाच रोमहर्षक ठरला. या सामन्यात भारताचा अष्टपैलू खेळाडू हार्दिक पंड्याने धडाकेबाज कामगिरी केली. हार्दिकने तीन बळी आणि नाबाद ३३ धावांची खेळी करत विजयी षटकार ठोकला. भारत-पाकिस्तान सामन्यात त्याने केलेल्या उत्तम कामगिरीचं सर्वत्र कौतुक होताना दिसत आहे. कालच्या सामन्यानंतर पुन्हा चर्चेत आलेला हार्दिक पंड्या लक्झरियस आयुष्य जगतो. मार्च २०२२ मध्ये बीसीसीआयकडून पुरविण्यात आलेल्या माहितीनुसार हार्दिक पंड्या भारतीय क्रिकेट संघातील ‘क’ श्रेणीतील क्रिकेटर आहे. त्याला बीसीसीआयकडून वर्षाला एक कोटी रुपये मानधन मिळते. याशिवाय पंड्या आयपीएलमधूनही कोटी रुपये कमवतो. मुंबई इंडियन्स संघाकडून खेळणाऱ्या पंड्या यंदा पार पडलेल्या आयपीएलमध्ये गुजरात टायटन्स संघाचे नेतृत्व केले होते. यासाठी त्याला १५ कोटींचे मानधन देण्यात आले होते. याशिवाय जाहिराती आणि ब्रॅण्ड एडरॉसमेण्टमधूनही पंड्या लाखो रुपये कमवतो. पंड्या एकूण १० मिलियन डॉलर म्हणजे भारतीय रुपयानुसार ६७ कोटी संपत्तीचा मालक आहे. माध्यमांनी दिलेल्या माहितीनुसार त्याचं वार्षिक उत्पन्न १५ कोटींहून अधिक आहे. हार्दिकचा गुजरातमध्ये फ्लॅट आहे. याची किंमत सुमारे दोन कोटींच्या घरात आहे. याशिवाय हार्दिक आणि कृणाल या दोघांनी काही महिन्यांपूर्वीच मुंबईत ३० कोटी किंमतीचा आलिशान फ्लॅट खरेदी केला आहे. हार्दिककडे लॅम्बोर्गिनी, ऑडी, मर्सिडिज, रेंज रोव्हर या महागड्या गाड्या आहेत. त्याची एकूण किंमत १.५ कोटी इतकी आहे. याशिवाय त्याच्याकडे प्रायव्हेट जेटही आहे. हार्दिकने २०२० मध्ये अभिनेत्री नताशा स्टॅनकोविकशी लग्नगाठ बांधली. त्यांना अगस्त्य नावाचा गोड मुलगा आहे. नुकताच हार्दिक फॅमिली व्हॅकेशनला गेला होता. याचे फोटोही सोशल मीडियावर व्हायरल झाले होते. (सर्व फोटो : हार्दिक पंड्या/ इन्स्टाग्राम) (हेही पाहा >> Ind vs Pak Photos: ‘लो स्कोअरिंग’ पण हाय व्होल्टेज! भारत-पाक सामन्यामधील काही खास क्षणचित्रे )