Roger Federer Retirement: श्रीमंत खेळाडूंच्या यादीत रॉजर फेडरर सातवा; आलिशान घर व गाड्यांसह इतकी आहे संपत्ती

रॉजर फेडररने स्पर्धात्मक टेनिसमधून निवृत्त होण्याची घोषणा केली आहे. टेनिसप्रेमींची एक अक्खी पिढी घडवणारा फेडररने २४ वर्षांच्या यशस्वी कारकीर्दीनंतर ब्रेक घेतला आहे. ४१ वर्षीय फेडरर हा जगातील सर्वात यशस्वी व सर्वाधिक कमाई करणारा खेळाडू आहे. फेडररने आपल्या कारकीर्दीत एकूण २० ग्रँड स्लॅम किताब जिंकले आहेत. राफेल नडाल व नोवाक जोकोविचला मागे टाकत त्याने ८ वेळा विम्बल्डन, ६ ऑस्ट्रेलियन ओपन व ५ वेळा युएस ओपन व एकदा फ्रेंच ओपन मध्ये विजय मिळवला आहे. २०२१ मध्ये फोर्ब्सने जारी केलेल्या जगातील सर्वाधिक कमाई करणाऱ्या खेळाडूंच्या यादीत टेनिसपटू फेडरर हा सातव्या क्रमांकावर आहे. फेडररची एकूण संपत्ती ५५० मिलियन डॉलर म्हणजेच तब्बल ४३७२ कोटी रुपये आहे. यातील १०३७ कोटी रुपये हे त्याने ग्रँड स्लॅमसारख्या स्पर्धांमधून विजयी होत कमावले आहेत. स्वित्झर्लंडमध्ये फेडररचे आलिशान व अत्यंत सुंदर घर आहे. इतकेच नव्हे तर दुबईमध्ये सुद्धा त्याचा मोठा बंगला आहे. स्वित्झर्लंडच्या ज्युरिख येथील जवळपास दीड एकरात बनवलेल्या घरासाठी फेडररने तब्बल ६५ लाख पौंड खर्च केला होता. फेडररला महागड्या गाड्यांची विशेष आवड आहे. त्याच्या कलेक्शन मध्ये ६ आलिशान गाड्या आहेत. ऑटोबीजच्या रिपोर्टनुसार, फेडररकडे ५ मर्सिडीज व एक रेंज रोव्हर गाडी आहे. (सर्व फोटो: इंस्टाग्राम)