IPL 2024: आयपीएल स्पर्धेत ‘या’ खेळाडूंच्या नावावर आहेत टॉप रेकॉर्ड्स

इंडियन प्रीमियर लीग २०२४ चा पहिला सामना २२ मार्च रोजी चेन्नईमध्ये रॉयल चॅलेंजर्स बेंगळुरू आणि चेन्नई सुपर किंग्ज यांच्यात पार पडणार आहे. २०२४ ची आवृत्ती सुरू होण्यापूर्वी आयपीएलच्या इतिहासातील खेळाडूंच्या सर्वोच्च विक्रमांबद्दल जाणून घेऊया. आरसीबी चा उत्कृष्ट फलंदाज विराट कोहलीने आयपीएलमध्ये आतापर्यंत सर्वाधिक धावा केल्या असून विराटच्या नावावर ७२६३ धावांची नोंद आहे. आयपीएलमध्ये सर्वाधिक धावा करणारा आणखीन एक खेळाडू म्हणजे शिखर धवन. शिखरच्या नावावर ६६१७ धावांची नोंद आहे. सोबतच डेव्हिड वॉर्नरच्या ही आपल्या आयपीएल करकीर्दीमध्ये ६३९७ धावा आहेत. मुंबई इंडियन्सचा सर्वोत्तम फलंदाज आणि माजी कर्णधार रोहित शर्माने याचे आयपीएलमध्ये आतापर्यंत एकूण ६२११ धावा आहेत. आपल्या उत्कृष्ट गोलंदाजी कामगिरीने युजवेंद्र चहलने आयपीएलमध्ये आतापर्यंत सर्वाधिक विकेट्स घेतेले आहेत. युजवेंद्रने एकूण १८७ विकेट्स घेतले आहेत. ड्वेन ब्राव्होने आयपीएलमध्ये १८३ विकेट घेतले आहेत. धावांव्यतिरिक्त काही खेळाडूंनी आयपीएलमध्ये सर्वाधिक षटकार देखील मारले आहेत. ख्रिस गेलच्या नावावर आयपीएलमध्ये एकूण ३५७ षटकारांची नोंद आहे. आयपीएलमध्ये एकूण २५७ षटकारांसह या यादी मध्ये रोहित शर्माचे नाव देखील सामील आहे. आयपीएल चा सर्वात यशस्वी कर्णधार म्हणजे एमएस धोनीने आपल्या आयपीएल कारकिर्दीत आतापर्यंत एकूण २३९ षटकार मारले आहेत. शिखर धवनच्या नावावर आयपीएलमध्ये सारधिक चौकारांची नोंद आहे. शिखरने आतापर्यंत ७५० चौकार मारले आहेत. (सर्व फोटो : आयपीएल अधिकृत पेज)