IPL 2024 : यंदाच्या आयपीएलमध्ये कोण पटकावणार ऑरेंज आणि परपल कॅप? कोण आहे शर्यतीत

आयपीएल दरम्यान खेळाडूंकधून अनेक विक्रम होत असतात किंवा आधीच्या दिग्गज खेळाडूंचे विक्रम मोडून नवीन विक्रमांची नोंद होत असते. आयपीएल ट्रॉफी शिवाय या स्पर्धेमध्ये आणखीन एक चर्चित गोष्ट म्हणजे ऑरेंज आणि परपल कॅप. आयपीएलमध्ये खेळाडूंना त्यांच्या सर्वोत्तम कामगिरीसाठी ऑरेंज कॅप आणि पर्पल कॅप असा अवॉर्ड दिला जातो. सर्वाधिक धावा करणाऱ्या फलंदाजाला ऑरेंज कॅप देण्यात येते आणि सर्वाधिक विककेट्स घेणाऱ्या गोलंदाजाला पर्पल कॅप देण्यात येते. यंदाच्या आयपीएल सीजनमध्ये आरसीबीचा स्टार फलंदाज विराट कोहली २०३ धावसंख्यासह ऑरेंज कॅपच्या शर्यतीत आघाडीवर आहे. तर ७ विकेट्ससह पर्पल कॅपची कमान सीएसकेचा वेगवान गोलंदाज मुस्तफिझूर रहमानकडे आहे. जाणून घेऊया या शर्यतीतल्या पहिल्या पांच खेळाडूंबद्दल. ऑरेंज कॅपच्या यादीत विराट कोहली नंतर पहिल्या पांच खेळांडूमध्ये रियान पराग १८१ धावांसह दुसऱ्या स्थानावर आहे. हैदराबादचा फलंदाज हेनरिक क्लासेन १६७ धावांसह या यादीत तिसरा क्रमांकावर आहे. लखनऊ सुपर जायंट्सचा निकोलस पूरन आयपीएलमध्ये १४६ धावसंख्या करून या यादीत चौथ्या स्थानावर आहे. लखनऊ सुपर जायंट्सचा फलंदाज क्विंटन डी कॉक १३९ धावांसह पाचव्या क्रमांकावर आहे. आयपीएलमध्ये पर्पल कॅपसाठी बांगलादेशचा वेगवान गोलंदाज मुस्तफिझूर रहमान आघाडीवर आहे, त्याने सीएसकेसाठी तीन सामन्यांत सात विकेट्स घेतल्या आहेत. एलएसजीचा वेगवान गोलंदाज मयंक यादव पर्पल कॅपच्या शर्यतीत ६ विकेट्ससह दुसऱ्या क्रमांकावर आहे. जीटीचा गोलंदाज मोहित शर्मा आणि आरआरचा गोलंदाज युजवेंद्र चहल या याधीत प्रत्येकी सहा विकेट्ससह तिसऱ्या आणि चौथ्या क्रमांकावर आहेत. दिल्लीचा गोलंदाज खालील अहमद या यादीत ५ विकेट्ससह पाचव्या क्रमांकावर आहे. (सर्व फोटो : आयपीएल अधिकृत वेबसाइट)