भारत-ऑस्ट्रेलिया कसोटी मालिकेचे नाव ‘बॉर्डर-गावस्कर करंडक’ असे का ठेवण्यात आले?, जाणून घ्या कधीपासून झाली सुरूवात, काय आहेत रेकॉर्ड?

भारतीय क्रिकेट संघ यावर्षी नोव्हेंबर मध्ये ऑस्ट्रेलिया दौऱ्यावर जाणार आहे. दोन्ही संघांमध्ये पाच सामन्यांची कसोटी मालिका खेळवली जाणार आहे. ही मालिका बॉर्डर-गावस्कर करंडक म्हणून ओळखली जाते. १९९१-९२ नंतर प्रथमच दोन्ही संघांमध्ये पाच सामन्यांची कसोटी मालिका खेळवली जाणार आहे. बॉर्डर-गावस्कर ट्रॉफी सुरू झाल्यानंतर यंदा प्रथमच दोन्ही संघ ५ सामन्यांची मालिका खेळणार आहेत. त्याचे झाले असे की, १९४७-१९९६ या कालावधीत भारत आणि ऑस्ट्रेलियामध्ये ५० कसोटी सामने खेळले गेले. त्यानंतर १९९६ मध्ये या मालिकेचे नाव बदलून बॉर्डर-गावस्कर ट्रॉफी ठेवण्यात आले. महान भारतीय क्रिकेटपटू सुनील गावस्कर आणि ऑस्ट्रेलियन माजी कर्णधार ॲलन बॉर्डर यांच्या उल्लेखनीय कामगिरीची नोंद घेत हे नाव देण्यात आले आहे. भारत आणि ऑस्ट्रेलिया यांच्यात १९५६-५७ ते २०२२-२३ पर्यंत २८ कसोटी मालिका खेळल्या गेल्या आहेत. यातील ऑस्ट्रेलियाने १२ तर भारताने ११ मालिका जिंकल्या आहेत. एकूण ५ मालिका अनिर्णित राहिल्या आहेत. बॉर्डर-गावस्कर ट्रॉफी सुरू झाल्यापासून भारताने १० मालिका जिंकल्या आहेत. ऑस्ट्रेलियाने पाच मालिका जिंकल्या आहेत. १९९६- ९७ ते २०२२-२३ पर्यंत फक्त एक कसोटी मालिका अनिर्णित राहिली आहे. २००३- ०४ मधील एक मालिका अनिर्णित राहिली होती. भारताने मागील ५ बॉर्डर-गावस्कर मालिकापैकी ४ जिंकल्या आहेत. ऑस्ट्रेलियाने २०१४- १५ पासून मालिका जिंकलेली नाही. भारताने सलग चार मालिका जिंकल्या आहेत. ऑस्ट्रेलियाच्या मागील दोन्ही दौऱ्यांमध्ये संघाने मालिका जिंकली आहे. २००० सालानंतर भारताने बॉर्डर-गावस्कर ट्रॉफी आठ वेळा जिंकली आहे. तर ऑस्ट्रेलियाने चार वेळा बॉर्डर-गावस्कर ट्रॉफी जिंकली आहे. एक मालिका अनिर्णित राहिली आहे. हेही वाचा-