Jasprit Bumrah : हे’ ७ रेकॉर्ड जसप्रीत बुमराहला बनवतात जगातील सर्वोत्तम गोलंदाज!

भारतीय क्रिकेट संघाचा स्टार गोलंदाज जसप्रीत बुमराहने नुकताच आयसीसी पुरुष कसोटी क्रिकेटर ऑफ द इयर २०२४ हा किताब जिंकून इतिहास रचला. हा प्रतिष्ठेचा पुरस्कार जिंकणारा तो पहिला भारतीय वेगवान गोलंदाज ठरला आहे. बुमराहने देशांतर्गत आणि आंतरराष्ट्रीय दोन्ही परिस्थितीत चांगली कामगिरी केली आणि २०२४ मध्ये एकूण ७१ विकेट घेतल्या, ज्यामध्ये त्याची सरासरी केवळ १४.९२ होती. बुमराहचे ७ आश्चर्यकारक विक्रम जाणून घेऊया, जे त्याला जागतिक क्रिकेटमधील सर्वोत्तम गोलंदाज असल्याचे सिद्ध करतात. सर्वात जलद २०० कसोटी बळी घेणारा भारतीय गोलंदाजजसप्रीत बुमराहने कसोटी क्रिकेटमध्ये सर्वात वेगवान २०० विकेट्स पूर्ण करणारा भारतीय गोलंदाज म्हणून विक्रम केला आहे. हे यश त्याच्या मेहनतीची आणि सातत्याची साक्ष देते. कसोटी क्रिकेटमधील सर्वोच्च रेटिंग गुणबुमराहने कसोटी क्रिकेटमध्ये ९०७ रेटिंग गुणांचा विक्रम केला आहे, जो कोणत्याही भारतीय गोलंदाजासाठी सर्वाधिक आहे. ही आकडेवारी त्याची अचूकता आणि उत्कृष्टता दर्शवते. BGT मध्ये परदेश दौऱ्यावर सर्वाधिक बळी२०२४-२५ बॉर्डर गावस्कर ट्रॉफी (BGT) दरम्यान ऑस्ट्रेलियात खेळल्या गेलेल्या कसोटी मालिकेत बुमराहने ३२ बळी घेतले. परदेशी भूमीवर भारतीय खेळाडूचा सर्वाधिक विकेट घेण्याचा हा विक्रम आहे. टी२० मधील सर्वाधिक मेडन ओव्हर्सजसप्रीत बुमराहने आंतरराष्ट्रीय T२० सामन्यांमध्ये एकूण १२ मेडन ओव्हर टाकल्या आहेत. हा विक्रम कोणत्याही आयसीसी पूर्ण वेळ सदस्य खेळाडूचा सर्वोच्च विक्रम आहे. एका वर्षात ७०+ विकेट्स२०२४ मध्ये, बुमराहने ७० पेक्षा जास्त विकेट घेतल्या, ज्यात त्याची सरासरी १४.९२ होती. एवढ्या चांगल्या सरासरीने हा विक्रम कोणत्याही गोलंदाजाने गाठलेला नाही. वर्षातील सर्वोत्तम पुरुष कसोटी क्रिकेटरगोलंदाज बुमराहने २०२४ मध्ये आयसीसी पुरुष कसोटी क्रिकेटर ऑफ द इयरचा किताब जिंकून भारतीय वेगवान गोलंदाजांसाठी नवा इतिहास रचला. यासह बुमराह राहुल द्रविड (२००४), गौतम गंभीर (२००९), वीरेंद्र सेहवाग (२०१०), रविचंद्रन अश्विन (२०१६) आणि विराट कोहली (२०१८) यांच्या पावलावर पाऊल ठेवत हा पुरस्कार जिंकणारा सहावा भारतीय क्रिकेटपटू बनला आहे. कसोटी क्रिकेटमध्ये एका षटकात सर्वाधिक धावाचेंडूने विक्रम करणाऱ्या बुमराहने फलंदाजीतही विशेष विक्रम केला. त्याने कसोटी क्रिकेटमध्ये एका षटकात ३५ धावा केल्या, कोणत्याही खेळाडूने सर्वाधिक धावा केल्या. (सर्व फोटो साभार- जसप्रीत बुमराह इन्स्टाग्राम) हेही पाहा - Photos : सुहाना खानचा नवा लूक बॉलिवूड अभिनेत्रींना भावला; दिल्या खास प्रतिक्रिया, फोटो व्हायरल…