Photos: स्मृती मानधनासाठी बॉयफ्रेंडने काढला ‘हा’ टॅटू? ट्रॉफीबरोबरच्या फोटोंमध्ये दिसली झलक

India vs South Africa Women's World Cup 2025: भारतीय महिला क्रिकेट संघाने २ नोव्हेंबरच्या मध्यरात्री विश्वचषकावर आपले नाव कोरले. भारतीय महिला संघाची स्टार सलामीवीर फलंदाज स्मृती मानधनाचा (Smriti Mandhana) बॉयफ्रेंड पलाश मुच्छलने (Palaash Muchhal) तिच्यासाठी सोशल मीडियावर खास पोस्ट शेअर केली आहे. स्मृती आणि ट्रॉफीबरोबरच्या या फोटोंना पलाश 'सबसे आगे हम है हिंदुस्तानी...' असे कॅप्शन दिले आहे. या फोटोंमध्ये पलाशच्या टॅटूची झलक दिसत आहे. त्याच्या डाव्या हातावर स्मृतीसाठी काढलेला 'एसएम १८' असा टॅटू (Palaash Muchhal Tattoo) आहे. या टॅटूचा संबंध स्मृतीच्या जर्सी क्रमांकाशी जोडला आहे. स्मृती आणि पलाश २०१९ पासून एकमेकांना डेट करत आहेत. पलाश हा बॉलिवूडमध्ये संगीतकार, संगीत संयोजक आणि चित्रपट निर्माता म्हणून प्रसिद्ध आहे. पलाश हा लोकप्रिय गायिका पलक मुच्छल (Palak Muchhal) हिचा भाऊ आहे. पलाश हा मध्य प्रदेशातील इंदूरचा (Indore, Madhya Pradesh) रहिवासी आहे. पलाश स्मृतींचे सामने बघायला जातो आणि ती त्याच्या विविध कार्यक्रमात भाग घेते. (सर्व फोटो सौजन्य : स्मृती मानधना/इन्स्टाग्राम) (हेही पाहा : जेमिमा रॉड्रीग्जने शेअर केलेल्या ट्रॉफीबरोबरच्या फोटोची चर्चा; कॅप्शन देत म्हणाली...)