Photos: नव्या ग्राहकांच्याबाबतीत Jio सुसाट; Airtel ला ‘अच्छे दिन’ मात्र ‘Voda- Idea’ मोठा फटका; पाहा थक्क करणारी आकडेवारी

नवीन ग्राहक जोडण्यात रिलायन्स जिओने पुन्हा एकदा अग्रेसर राहिली आहे. एप्रिल महिन्यात १६.८ लाख नवीन ग्राहक जीओसोबत जोडले आहेत. या नव्या ग्राहकांसोबतच जिओची ग्राहकसंख्या आता ४०.५ कोटींवर पोहोचली आहे, असे दूरसंचार नियामक – ‘ट्राय’च्या आकडेवारीवरून स्पष्ट झाले आहे. जिओ पाठोपाठ एअरटेलच्या एकूण ग्राहक संख्येत ८.१ लाखांची भर पडली आहे. एअरटेलची एकूण ग्राहक संख्या आता ३६.११ कोटी झाली आहे. सर्वाधिक ग्राहकसंख्येच्या बाबतीत सध्या एअरटेलही जिओपेक्षा मागे असली तर दुसऱ्या स्थानावर भक्कमपणे उभी असल्याचं दिसतंय. मात्र त्याचवेळी एप्रिल महिन्यात व्होडा-आयडियाला मोठा फटका बसलाय. एप्रिलमध्ये व्होडा-आयडियाने १५.६८ लाख ग्राहक गमावले आहे. व्होडा-आयडियाची एकूण ग्राहक संख्या त्यामुळे २५.९ कोटींपर्यंत खाली आली आहे. एप्रिल अखेरीस भारतातील एकूण मोबाइलधारक ग्राहक ११४.३ कोटींवर गेले आहेत. शहरी भागातील ग्राहकांची संख्या घटली असून ती आता ६२.४ कोटींवर आली आहे. तर ग्रामीण भागातील ग्राहकांनी ५१.८ कोटींचा टप्पा गाठला आहे. (सर्व फोटो प्रातिनिधिक आहेत.)