आता Innova चा खेळ खल्लास? मारुतीची सर्वात महागडी ८ सीटर कार देशात दाखल, किंमत पाहून फुटेल घाम

मारुती सुझुकी ५ जुलै रोजी आपली नवीन ८ सीटर प्रीमियम MPV Invicto भारतीय बाजारात केली लाँच ही कार टोयोटा इनोव्हा हायक्रॉसवर आधारित आहे. मारुतीची ही कार डिझाईनच्या बाबतीत टोयोटा इनोव्हा हायक्रॉससारखीच आहे. मारुती सुझुकी इनविक्टोमध्ये २.० लीटर क्षमतेचं चार-सिलेंडर हायब्रिड पेट्रोल इंजिन देण्यात आलं आहे. ही कार सात आणि आठ सीटर असे दोन्ही ऑप्शनमध्ये आपल्याला पहायला मिळेल. मारूती सुझुकीच्या या कारची स्पर्धा Kia Carnival आणि Toyota Innova Crysta सारख्या कारबरोबर होणार Invicto कारच्या सुरक्षेच्या बाबतीतही कंपनीने पुरेपूर काळजी घेतली आहे. यामध्ये स्टँडर्ड फीचर्स म्हणून 6 एअरबॅग्ज देण्यात आले आहे. मारुती सुझुकीची ही सर्वात महागडी कार आहे. या MPV ची सुरुवातीची किंमत २४.७९ लाख रुपये आहे, जी टॉप मॉडेलसाठी २८.४२ लाख रुपये (एक्स-शोरूम) पर्यंत जाते. या महागड्या कारचे प्री-बुकिंग १९ जूनपासून सुरू आहे. कार लाँच होण्यापूर्वीच कंपनीला या प्रीमियम एमपीव्हीसाठी ६,२०० हून अधिक बुकिंग प्राप्त झाले आहेत.