आता Innova टिकणार नाय? मारुतीची सर्वात महागडी ८ सीटर कार देशात दाखल, किंमत…

मारुती सुझुकीने आपली बहुप्रतिक्षित MPV कार लाँच केली आहे. ही कार टोयोटा इनोव्हा हायक्रॉसवर आधारित आहे. कंपनीने या कारच्या किमती जाहीर केल्या असून ही कार मारुतीच्या उत्पादन पोर्टफोलिओमधील सर्वात महागडी कार आहे. मारुती सुझुकी प्रीमियम एमपीव्ही Invicto ही आठ सीटर कार आहे, ही कार Innova ला टक्कर देते. Maruti Suzuki Invicto या एमपीव्हीमध्ये कारच्या सुरक्षेच्या बाबतीतही कंपनीने पुरेपूर काळजी घेतली आहे. यामध्ये म्हणून ६ एअरबॅग्ज देण्यात आले आहे. मारुतीने ही एमपीव्ही हायब्रिड पॉवरट्रेनसह सादर केली आहे. ज्याचे इंजिन ६००० rpm वर ११२ kWh चा पॉवर आणि ४४०० rpm वर १८८Nm टॉर्क जनरेट करते. Maruti Suzuki Invicto चार रंगात येते. यात मॅजिक सिल्व्हर, स्टेलर कांस्य, नेक्सा ब्लू आणि मिस्टिक व्हाइटचा समावेश आहे. या कारची किंमत २४.७९ लाख रुपये पासून सुरू होते आणि २८.४२ लाख रुपयांपर्यंत जाते. (Photos-financialexpress)