Photos: पुण्यातील मशिदीत उभारण्यात आला क्वारंटाइन कक्ष

1/10

पुणे : आझम कॅम्पस येथील मशिदीचे रविवारी ६० बेडच्या क्वारंटाइन कक्षात रुपांतर करण्यात आलं. (सर्व छायाचित्रे – अरुल होरायझन)

2/10

या ठिकाणी ठेवण्यात येणाऱ्या रुग्णांना महाराष्ट्र कॉस्मॉपॉलिटीन अॅण्ड एज्युकेशन सोसायटीकडून जेवण आणि इतर अत्यावश्यक सेवांचा पुरवठाही करण्यात येणार आहे.

3/10

आझम कॅम्पस प्रशासनाकडून हा अत्यंत जबाबदारीचा आणि स्तुत्य निर्णय घेण्यात आला आहे. कारण सध्याच्या काळात सर्व धार्मिक स्थळं बंद असल्याने अशा जागांचा वापर करोनानं ग्रासलेल्या लोकांसाठी करणं अधिक गरजेचं आहे.

4/10

ही व्यवस्था लावण्याचं काम करणारे स्वयंसेवकही पूर्णपणे स्वतःची काळजी घेताना दिसत आहेत. यातील सर्वांनी आपल्या तोंडाला मास्क लावला आहे.

5/10

या मशिदीचा अंतर्गत भाग हा प्रशस्त आणि अनेक खिडक्यांचा असल्याने अत्यंत हवेशीर जागेत क्वारंटाइनची व्यवस्था करण्यात आली आहे.

6/10

सध्या मुस्लिम धर्मियांचा पवित्र रमजानचा महिना सुरु असल्याने या काळात अशा प्रकारे जनहिताचं कार्य करताना खरतरं जास्त पुण्य आणि समाधान मिळवून देणारं आहे.

7/10

अशा प्रकारे धार्मिक स्थळाच्या ठिकाणी करण्यात आलेल्या क्वारंटाइनच्या सुविधेमुळं इथं राहणाऱ्या पीडित व्यक्तीलाही मानसिक समाधान मिळू शकतं.

8/10

या क्वारंटाइन कक्षात फिजिकल डिस्टंसिंगच्या नियमांनुसार बेड्सची व्यवस्था करण्यात आली आहे.

9/10

रमजान महिन्याच्या काळात ही मशीद आणि त्याचा परिसरात गर्दीनं फुलून गेलेला असतो. मात्र, यंदा करोनाच्या सावटामुळं सर्वत्र सन्नाटा आहे.

10/10

महाराष्ट्र कॉस्मॉपॉलिटीन अॅण्ड एज्युकेशन सोसायटीकडून चालवलं जाणार 'आझम कॅम्पस' एक शैक्षणिक संकुल आहे. या ठिकाणी विविध विद्याशाखांची कॉलेजेस आहेत. यामध्ये देश-विदेशातील शेकडो विद्यार्थी शिक्षण घेत आहेत.